Некои луѓе од племињата Укл или Урејна дојдоа во Медина

Некои мажи од племињата Укл и Урејна дошле кај Аллаховиот пратеник, салаллаху алејхи ве селем, како муслимани. Се разболеле и ги снашла болест од која им се надуле стомаците, па им станало тешко да престојуваат во Медина – бидејќи не им одговарале нејзината клима и храна. Аллаховиот пратеник, салаллаху алејхи ве селем, им наредил да одат кај камилите што ѝ припаѓале на државната каса и да пијат од нивното млеко и урина. Тие отишле, оздравеле, се здебелиле и им се вратил природниот изглед. Но откако закрепнале, го убиле пастирот на Пратеникот, салаллаху алејхи ве селем, и ги украле камилите. Веста за тоа стигнала до Пратеникот, салаллаху алејхи ве селем, рано наутро, па испратил луѓе по нив. До пладне биле фатени и доведени назад како заробеници. Пратеникот, салаллаху алејхи ве селем, наредил да им бидат отсечени рацете и нозете, да им бидат извадени очите – бидејќи истото му го направиле на пастирот – и да бидат фрлени на каменитата земја, каде што барале вода, но никој не им давал, сè додека не умреле. Ебу Килабе рекол: „Овие луѓе – украдоа, убија, отпаднаа од верата откако го прифатија исламот, и му објавија војна на Аллах и на Неговиот пратеник.“