„Кога некој од вас ќе влезе во џамија, нека упати селам на Пратеникот и нека изговори: ,Аллаху мој, отвори ми ги вратите на Твојата милост!‘

Препорачливо е изговарањето на оваа дова при влегување и излегување од џамија.
Овој зикр е општ и важи за сите џамии, вклучувајќи го и Месџидул Харем.
Посебноста во тоа што при влегување се спомнува милоста, а при излегување заштитата од шејтанот – е поради тоа што оној што влегува во џамија се занимава со дела кои го приближуваат кон Аллах и кон Неговиот Џенет, па затоа е соодветно да ја спомне милоста. А кога ќе излезе, тој излегува во овој свет, во кој има многу искушенија и пречки, па затоа е соодветно да побара од Аллах заштита и чување од шејтанот.