Еден човек дојде кај Пратеникот, салаллаху алејхи ве селем, и рече: „Ес-Селаму алејкум.“ Тој му одговори на селамот, човекот седна, па Пратеникот рече: „Десет (награди).“

Оној што доаѓа треба прв да ги поздрави со селам оние што веќе седат.
Колку повеќе зборови содржи селамот, толку е поголема наградата.
Најсовршената форма на селамот е: „Ес-Селаму алејкум ве рахметуллахи ве берекатуху“, а најдобриот одговор е: ,,Ве алејкум селам ве рахметуллахи ве берекатуху“.
Степените на селамот и неговото возвраќање се разликуваат, па соодветно на тоа се разликува и наградата.
Луѓето треба да се подучуваат на доброто и да се поттикнуваат да го постигнат она што е највредно.
Ибн Хаџер рекол: „Ако оној што започнува со селамот додаде ве рахметуллах, препорачливо е во одговорот да се додаде ве берекатуху. Ако, пак, додаде и ве берекатуху, се поставува прашањето – дали е дозволено во одговорот да се додаде нешто повеќе од тоа? Исто така, ако оној што го започнува селамот го надмине со зборови изразот ве берекатуху, дали е дозволено тоа? Имамот Малик пренесува во „Мувета“ од Ибн Абас, Аллах нека е задоволен со него и со неговиот татко, дека селамот завршува со зборот берекатуху.“