چیم داوە لە دونیا، من لە دونیادا وەكو سوارێكم لەژێر سێبەری دارێك كەمێك دەحەوێمەوە، پاشان دەڕوات وبەجێی دەهێڵێت

ڕوونكردنەوە وئاماژەیە بۆ ئەوەی پێغەمبەر -صلى اللە علیە وسلم- زوهدی هەبوو لە دونیادا وپشتی لێدەكرد.
فەرموودەكە فەرمان ناكات بە وازهێنان لەو شتانەی كە پێویستن لە دونیادا، بەڵكو سەرقاڵ بوون پێیان و لەبیركردنی قیامەت؛ ئەمە سەرزەنشتكراوە، پیاوەكە لە ژێر سێبەری دارەكەدا مایەوە وسوودی لێوەرگرت بۆئەوەی بگات بە شوێنی مەبەست، وسێبەری دارەكەی نەكرد بە شوێنی مانەوەی هەمیشەیی.
پێویستە مسوڵمان وانە وەربگرێت بە تێڕوانین بۆ حاڵی پێغەمبەر -صلى اللە علیە وسلم-، چونكە ئەو چاكترین سەرمەشقە، وهەركەسێك شوێنی ڕێبازەكەی بكەوێـت؛ هیدایەت دەدرێت وسەرفراز دەبێت لە دونیا وقیامەتدا.
بەپەرۆشی هاوەڵان -ڕەزای خوایان لێبێت- لەسەر سەلامەتی پێغەمبەری خودا -صلى اللە علیە وسلم- وخۆشەویستیان بۆی.
هێنانەوەی نمونەكان لەكاتی بانگەوازی وفێركردندا؛ ڕێگەپێدراوە.