ئەوەی سوێند بخوات ولە سوێندەکەیدا بڵێت: سوێند بە لات وعوزا؛ ئەوا با لە پاش ئەوە بڵێت: ( لا إله إلا اللە )، وئەوەى بە هاوڕێکەى بڵێت: وەرە با قومار بکەین؛ ئەوا دەبێت خێرێک بکات

سوێند خواردن دەبێت تەنها بە الله وناوەكان وسیفەتەكانی بێت.
سوێند خواردن بە جگە لە الله ؛ حەرامە، ئینجا ئەگەر سوێند خواردن بێت بە بتەكان وەكو لات وعوزا، یان سوێند خواردن بە سپاردە، یان سوێند خواردن بە پێغەمبەر وهتد.
خەتابی دەڵێت: سوێند خواردن دەبێت بە پەرستراوی بەمەزن دانراو بێت، بۆیە ئەگەر سوێند بە لات وپەرستراوەكانی تر بخوات ئەوا خۆی چواندووە بە كافرەكان، بۆیە فەرمانیپێكراوە فریای خۆی بكەوێت بە ووتنی وشەی تەوحید.
ئەو كەسەی سوێند بە جگە لە الله بخوات ؛ كەفارەتی سوێندی لەسەر نییە، بەڵكو دەبێت تەوبە وئیستیغفار بكات ؛ چونكە ئەم تاوانە گەورەترە لەوەی جگە لە تەوبە كردن ببێتە كەفارەت بۆی.
حەرامێتی قومار كردن بە هەموو شێوازەكانی، قومار كردن خوای گەورە -سبحانه وتعالی- حەرامی كردووە و لەگەڵ مەی وبتەكاندا باسیكردووە.
واجبێتی گەڕانەوە لە تاوانکردن لە کاتی کردنی.
هەرکەسێک خراپەیەکی کرد دەبێـت لە پاشی چاکەیەک ئەنجامبدات؛ چونکە چاکەکان خراپەکان دەسڕنەوە.