هەرکەسێک بێبەش کرا بێت لە نەرم ونیانی؛ ئەوا لە خێر بێبەش کراوە

فەزڵ وپلە وپایەی نەرمونیانی، وهاندان بۆ خۆڕازاندنەوە بەم ڕەوشتە جوانە، وسەرزەنشتكردنی توندوتیژی.
نەرمونیانی هۆکاری فراوانى وبەردەوامبوونی خێر وچاکەیە لە دونیا وقیامەت، وتوندوتیژی پێچەوانەى ئەمەیە.
نەرمونیانی سەرەنجامی ڕەوشت جوانی وسەلامەت وئاشتیە، توندوتیژی سەرەنجامی توڕەیی و وشكیە، بۆیە پێغەمبەر -صلى اللە علیە وسلم- زۆر ستایشی نەرمونیانی كرد.
سوفیانی ثەوری -ڕەحمەتی خوای لێبێت- بە هاوەڵانی ووت: ئایا دەزانن نەرمونیانی چییە؟ ئەوەیە هەموو شتێك لە شوێنی خۆی دابنێیت، توندی لە شوێنی خۆی، ونەرمونیانی لە شوێنی خۆی، وشمشێر لە شوێنی خۆی، وقامچی لە شوێنی خۆی.