خەو بینینی چاک لە لایەن خوای گەورەوەیە، وخەو بینینی ناخۆش لە لایەن شەیتانەوەیە

خەونی خۆش (روئیا) وخەونی ناخۆش (حولوم) ئاماژەیە بۆ ئەو شتانەی كە خەڵكی لە خەونەكانیاندا دەیانبینن، زۆرینەی خەونی خۆش (روئیا)؛ شتی خێر وچاكی تێدا دەبینێت، وزۆرینەی خەونی ناخۆش (حولوم)؛ شتی شەڕ وخراپ وناشیرینی تێدا دەبینێت، ولە زمانی عەرەبیدا (روئیا وحولوم) لە شوێنی یەكتر بەكاربهێنرێن وەكو ئاماژەیەك بۆ خەون بینین.
بەشەكانی خەون بینین: 1- بینینی خەوی چاك: ئەم خەونە حەقە وموژدەیە لەلایەن الله وە، ئیماندار خۆی دەیبینێت یان كەسێك خەوی پێوە دەبینێت. 2- قسەی دەروون: ئەم خەونانە ڕوودەدەن بەهۆی ئەوەی مرۆڤ لەخەیاڵی لەگەڵ خۆی دەدوێت لەكاتی بەخەبەر بوونی. 3- خەون بینین لە شەیتانەوە: ئەمە ترساندن وتۆقاندن وغەمبار كردنە لەلایەن شەیتانەوە بۆئەوەی نەوەی ئادەم دڵتەنگ بێت.
بەپێی ئەوەی باسكرا سەبارەت بە جۆرەكانی خەون؛ دەبێت سێ شت بكات: حەمد وستایشی الله بكات، وموژدەی خۆشی لێ وەربگرێت، وباسی بكات تەنها بۆ ئەو كەسانەی خۆشیانی دەوێت نەك ئەوانەی ڕقی لێیانە.
بەپێی ئەوەی باسكرا سەبارەت بە ڕێكارەكانی خەونی ناخۆش؛ پێنج شت جێبەجێ دەكرێت: پەنا بە الله بگرێت لە شەڕ وخراپەی ئەو خەونە، ولە شەڕ وخراپەی شەیتان، وكاتێك خەبەری دەبێتەوە؛ سێ جار تف بكات بەلای چەپیدا، وبۆ هیچ یەكێك باسی نەكات، وئەگەر بیەوێت دیسانەوە بخەوێتەوە ئەوا لەسەر لایەكەی تری بخەوێت؛ ئەگەر ئەمانە جێبەجێ بكات ئەوا زیانی پێناگەیەنێت.