دونیا زیندانی ئیماندارە، وبەهەشتی کافرە

نەوەوی دەڵێت: هەموو ئیماندارێك زیندانیكراوە وقەدەغە كراوە لە شەهوەت وئارەزوو حەرامكراو وناپەسەندەكان لە دونیادا، وسپێردراوە بە ئەنجامدانی پەرستنە قورسەكان، بۆیە كاتێك دەمرێت دەحەوێتەوە لە ئەمە، ودەگەڕێتەوە بۆ لای ئەوەی الله -سبحانه وتعالی- ئامادەی كردووە لە نیعمەتی بەردەوام، وئارامی تەواو بە بێ كەموركورتی، بەڵام كافر لە دونیادا ئارەزووەکانی ئەنجامدەدا ئەگەرچیش كەم وتێكەڵ بوو لەگەڵ ناڕەحەتیەكان، بۆیە كاتێك دەمرێت بەرەو سزا وئازار وناڕەحەتی بەردەوام وهەتاهەتایی دەڕوات.
سیندی دەڵێت: كاتێك دەفەرمووێت: (زیندانی ئیماندارە)؛ ئەگەر ئیماندار لە نێو نیعمەتشدا بێت ئەوا بەهەشت خێرترە بۆی، وكاتێك دەفەرموێت: (وبەهەشتی كافرە)؛ ئەگەر كافر لە نێو ناڕەحەتیشدا بێت ئەوا دۆزەخ شەڕترە بۆی.
بێ نرخی دونیا لەلای خودای گەورە -سبحانه وتعالى-.
دونیا شوێنی تاقیکردنەوەیە بۆ ئیمانداران.
كافر پەلەی كرد بۆ بەدەستێهنانی بەهەشتەكەی لە دونیادا؛ بۆیە سزا درا بە بێبەشكردنی لە بەهەشت ونیعمەتەكانی ناوی لە قیامەتدا.