پێنج شتم پێدراوە، بە هیچ یەكێك لە پێش من نەدراوە

ڕێگەپێدراوە بەندە نیعمەتەکانى خواى گەورە بژمێرێت بە باسكردنیان ودەبڕینی سوپاسگوزاری لەسەر بەخشینیان.
ئاماژەیە بۆ فەزڵی خوای گەورە بەسەر ئەم ئومەتە وپێغەمبەرەكەی ؛ بە بەخشینی ئەم تایبەتمەندیانە پێیان.
واجبێتی نوێژکردن ئەگەر کاتی هات وئەگەر لەسەر هەرحاڵەتێک بوو، وئەوەندەی دەتوانێت ئەنجامی دەدات لە مەرجەکانى وپایەکانی و واجبەکانى.
ئەو شەفاعەتەی تایبەتە بە پێغەمبەر -صلى اللە علیە وسلم- بەخشراوە لەنێو پێغەمبەراندا، چەند جۆرێكە: - شەفاعەتكردنی بۆ هەموو خەڵكی بۆئەوەی بڕیار لەسەر دادوەری كردن بدرێت لەنێوان بەندەكان. - شەفاعەتكردنی بۆ ئەوەی خەڵكی بەهەشت بچنە بەهەشتەوە. - شەفاعەتكردنی بۆ مامی ئەبو تاڵیب بەتایبەتی بۆئەوەی سزای دۆزەخی لەسەر كەم بكرێتەوە نەك لە دۆزەخ دەربچێت؛ چونكە لەسەر كوفر مرد.
سیفەت وتایبەتمەندیەكانی پێغەمبەر -صلى اللە علیە وسلم- زۆرن وهەموویان لەم فەرموودەیەدا باس نەكراون، لەوانەیش: (جوامع الكلم)ی پێبەخشراوە؛ واتا وشەی كەم دەڵێت بەڵام مانای زۆر و بەنرخ دەبەخشن، وكۆتا پێغەمبەرە، وڕیزەكانی ئێمە لەكاتی نوێژدا وەكو ڕیزەكانی فریشتەكانە وزۆر تایبەتمەندی تریش.