نەهیمان لێکراوە لە شوێنکەوتنی جەنازە، وزۆر جەختیشمان لەسەر نەکراوەتەوە

نەهی کردن لە ئافرەتان لە شوێنکەوتنی جەنازە، ونەهیەکەش گشتییە؛ نەهی كردن لە شوێنكەوتنی جەنازە ئەم خاڵانە دەگرێتەوە: لەکاتی ئامادەکردنی جەنازەکە، ونوێژکردن لەسەری، هەتاوەکو دەبرێت بۆ گۆڕستان ودەنێژرێت.
هۆکاری نەهی كردن لە ئافرەتان ئەوەیە کە ئارامگر نین لەسەر ئەو دیمەنە ناخۆش وکاریگەرانە؛ لەوەیە ناڕەزایی وتوڕەیی وایان لێدەربکەوێت کە پێچەوانەى ئارامگرتنە کەواجبە لەسەر موسوڵمانان.
ئەسڵ وبنەما لە نەهی کردندا بۆ حەرامبوونە بەڵام ئوم عەتیە -ڕەزای خوای لێبێت- وا تێگەیشت بەهۆی ئەوەى باسکراوە لەگەڵ حاڵەتەکەدا کە ئەم نەهی کردنە لە شوێنکەوتنی جەنازە جەختی لەسەر نەکراوەتەوە، بەڵام لە فەرموودەى تر هاتووە کە بە توندی نەهی كراوە لە شوێنکەوتنی جەنازە لەلایەن ئافرەتانەوە زیاتر لەوەى لەم فەرموودەیەدا باسکراوە.