نزا ودۆعای مسوڵمان بۆ برای مسوڵمانی لە کاتی ئامادە نەبوونی براکەى؛ وەرگیراوە

هاندان بۆ چاكەكاری ئیمانداران لە نێو خۆیاندا ئەگەرچیش بە نزا ودۆعا كردن بێت بۆ یەكتر.
نزا ودۆعا کردن بۆ موسوڵمان کاتێک ئامادە نییە بەڵگەیەکی ئاشکرایە لەسەر ڕاستگۆیی ئیمان وبرایەتی.
بەستنەوەی نزا ودۆعا کردن لە کاتی ئامادەنەبوونی؛ چونکە باشترە بۆ بەدەست هێنانی دڵسۆزی وئامادەبوونی دڵ.
لە هۆکارەکانى وەڵامدانەوەى نزا ودۆعا: نزاکردنی مسوڵمانە بۆ براکەى لەکاتى ئامادە نەبوونی.
نەوەوی دەڵێت: ئاماژەیە بۆ فەزڵ وپلە وپایەی نزا ودۆعا كردن بۆ برای مسوڵمانی كاتێك ئامادە نییە، ئەگەر نزا ودۆعا بكات بۆ كۆمەڵێك لە مسوڵمانان؛ بەهەمان شێوە ئەم فەزڵە بەدەست دەهێنێت، وئەگەر نزا بۆ هەموو مسوڵمانانیش بكات؛ لە ڕووكەشدا هەر هەمان فەزڵ بەدەست دەهێنێت، هەندێك لە پێشینان ئەگەر بیویستایە نزا ودۆعا بۆ خۆی بكات ئەوا بەشێك لە نزا ودۆعاكەی تەرخان دەكرد بۆ برایەكی مسوڵمانی وهەمان نزای بۆ دەكرد؛ چونكە وەڵام دەدرێـتەوە، وئەوەی بۆ ئەو داوایكردووە بە ئەویش دەبەخشرێت.
ڕوونکردنەوەى کردەوەى هەندێک لە فریشتەکان، تێیاندایە خواى گەورە تەنها تایبەتی کردووە بۆ ئەم کردەوەیە.