با هیچ پیاوێکی ئیماندار ڕقی لە ئافرەتێکی ئیماندار نەبێتەوە، ئەگەر ڕقی لە ڕەوشتێکی بێت؛ ئەوا ڕەوشتێکی تری لا پەسەندە

بانگکردنی ئیماندار بۆ دادپەروەری وحوكم كردن بە ئەقڵ لەكاتی ڕوودانی هەر ناکۆکیەک لەنێوان خۆی وخێزانەکەى، وپەنا نەباتە بەر بڕیاردان بە سۆز وهەڵچونی کاتی.
دەبێت پیاوی ئیماندار بە تەواوی ڕقی نەبێتەوە لە ئافرەتی ئیماندار بەشێوەیەك وای لێبكات لێی جیا بێتەوە، بەڵكو دەبێت چاوپۆشی بكات لەو ڕەوشت وهەڵسوكەوتانەی پێی ناخۆشە بە ئەوانەی كە پێی خۆشە ولێی ڕازایە.
ئامۆژگاری كردن بە چاك مامەڵەیی وهاوڕێیەتی لەنێوان هاوسەران.
ئیمان بانگخوازە بۆ ڕەوشتە جوانەكان، بۆیە هیچ پیاو وئافرەتێكی ئیماندار نییە ڕەوشتی جوانی تێدا نەبێت ؛ چونكە بوونی ئیمان داخوازی دەكات كە ڕەوشتی چاكیان تێدا بێت.