ಯಾರು ಅಲ್ಲಾಹನ ಹೊರತು ಆರಾಧಿಸಲು ಅರ್ಹರಾದ ಅನ್ಯ ಆರಾಧ್ಯರಿಲ್ಲ ಎಂದು ಹೇಳುತ್ತಾರೋ ಮತ್ತು ಅಲ್ಲಾಹನ ಹೊರತಾಗಿ ಆರಾಧಿಸಲಾಗುವ ಎಲ್ಲವನ್ನೂ ನಿಷೇಧಿಸುತ್ತಾರೋ, ಅವರ ಆಸ್ತಿ ಮತ್ತು ಪ್ರಾಣವು ಪವಿತ್ರವಾಗಿವೆ. ಅವರನ್ನು ವಿಚಾರಣೆ ಮಾಡುವ ಹೊಣೆ ಅಲ್ಲಾಹನದ್ದಾಗಿದೆ

"ಲಾ ಇಲಾಹ ಇಲ್ಲಲ್ಲಾಹ್" ಉಚ್ಛರಿಸುವುದು ಮತ್ತು ಅಲ್ಲಾಹನ ಹೊರತಾಗಿ ಆರಾಧಿಸಲಾಗುವ ಎಲ್ಲವನ್ನೂ ನಿಷೇಧಿಸುವುದು ಇಸ್ಲಾಂ ಧರ್ಮವನ್ನು ಸ್ವೀಕರಿಸುವುದಕ್ಕಿರುವ ಷರತ್ತುಗಳಾಗಿವೆ.
"ಲಾ ಇಲಾಹ ಇಲ್ಲಲ್ಲಾಹ್" ಎಂದರೆ ಅಲ್ಲಾಹನ ಹೊರತಾಗಿ ಆರಾಧಿಸಲಾಗುವ ವಿಗ್ರಹಗಳು, ಸಮಾಧಿಗಳು ಮುಂತಾದ ಎಲ್ಲವನ್ನೂ ನಿಷೇಧಿಸಿ ಏಕೈಕನಾದ ಅಲ್ಲಾಹನನ್ನು ಮಾತ್ರ ಆರಾಧಿಸುವುದು.
ಒಬ್ಬ ವ್ಯಕ್ತಿ ಏಕದೇವ ವಿಶ್ವಾಸವನ್ನು ಸ್ವೀಕರಿಸಿ ಬಹಿರಂಗವಾಗಿ ಇಸ್ಲಾಂ ಧರ್ಮದ ಕಾನೂನುಗಳನ್ನು ಪಾಲಿಸಿದರೆ, ಅವನು ಅದಕ್ಕೆ ವಿರುದ್ಧವಾದುದನ್ನು ಮಾಡಿದ್ದಾನೆಂದು ಸಾಬೀತಾಗುವ ತನಕ ಅವನ ಪ್ರಾಣಕ್ಕೆ ಕುತ್ತು ಮಾಡಬಾರದೆಂದು ಈ ಹದೀಸ್ ತಿಳಿಸುತ್ತದೆ.
ಮುಸಲ್ಮಾನನ ಆಸ್ತಿ, ಪ್ರಾಣ ಮತ್ತು ಮಾನವು ಪವಿತ್ರವಾಗಿದ್ದು ಕಾನೂನಿಗೆ ಅನುಗುಣವಾಗಿಯೇ ಹೊರತು ಅವುಗಳಿಗೆ ಚ್ಯುತಿ ಮಾಡಬಾರದೆಂದು ಈ ಹದೀಸ್ ತಿಳಿಸುತ್ತದೆ.
ಇಹಲೋಕದಲ್ಲಿ ವ್ಯಕ್ತಿಯ ಬಾಹ್ಯ ವರ್ತನೆಯನ್ನು ನೋಡಿ ತೀರ್ಪು ನೀಡಲಾಗುತ್ತದೆ. ಆದರೆ ಪರಲೋಕದಲ್ಲಿ ಅವನ ಆಂತರಂಗದ ಸಂಕಲ್ಪ ಮತ್ತು ಉದ್ದೇಶವನ್ನು ನೋಡಿ ತೀರ್ಪು ನೀಡಲಾಗುತ್ತದೆ.