ಖಂಡಿತವಾಗಿಯೂ ಸ್ವರ್ಗವನ್ನು ಪ್ರವೇಶಿಸುವ ಮೊದಲ ಗುಂಪು ಹುಣ್ಣಿಮೆಯ ರಾತ್ರಿಯ ಚಂದ್ರನ ರೂಪದಲ್ಲಿರುತ್ತಾರೆ (ಅಷ್ಟು ಪ್ರಕಾಶಮಾನವಾಗಿರುತ್ತಾರೆ). ನಂತರ, ಅವರ ನಂತರ ಬರುವವರು ಆಕಾಶದಲ್ಲಿ ಅತ್ಯಂತ ಪ್ರಕಾಶಮಾನವಾಗಿ ಹೊಳೆಯುವ ನಕ್ಷತ್ರದಂತಿರುತ್ತಾರೆ

ಸ್ವರ್ಗವಾಸಿಗಳ ಗುಣಲಕ್ಷಣಗಳನ್ನು ವಿವರಿಸಲಾಗಿದೆ ಮತ್ತು ಅವರು ತಮ್ಮ ದರ್ಜೆಗಳು ಮತ್ತು ಕರ್ಮಗಳಿಗನುಗುಣವಾಗಿ ಅಲ್ಲಿ ವ್ಯತ್ಯಾಸವನ್ನು ಹೊಂದಿರುತ್ತಾರೆಂದು ತಿಳಿಸಲಾಗಿದೆ.
ಅರ್ಥಗಳನ್ನು ಮನಮುಟ್ಟುವಂತೆ ವಿವರಿಸಲು ಉಪಮೆಗಳನ್ನು ಬಳಸಲಾಗಿದೆ.
ಇಮಾಮ್ ಖುರ್ತುಬಿ ಹೇಳುತ್ತಾರೆ: "ಹೀಗೆ ಕೇಳಬಹುದು: ಅವರು ಯುವಕರಾಗಿದ್ದು ಅವರ ಕೂದಲು ಕೊಳೆಯಾಗುವುದಿಲ್ಲ ಎಂದಾದರೆ, ಅವರಿಗೆ ಬಾಚಣಿಗೆಯ ಅಗತ್ಯವೇನಿದೆ? ಅವರ ಸುವಾಸನೆಯು ಕಸ್ತೂರಿಗಿಂತ ಉತ್ತಮವಾಗಿರುವಾಗ ಅವರಿಗೆ ಧೂಪದ ಅಗತ್ಯವೇನಿದೆ? ಅದಕ್ಕೆ ಉತ್ತರವಾಗಿ ಹೇಳಲಾಗುತ್ತದೆ: ಸ್ವರ್ಗವಾಸಿಗಳ ಅನುಗ್ರಹಗಳಾದ ಆಹಾರ, ಪಾನೀಯ, ಉಡುಪು ಮತ್ತು ಸುವಾಸನೆಗಳು ಹಸಿವು, ಬಾಯಾರಿಕೆ, ನಗ್ನತೆ ಅಥವಾ ದುರ್ವಾಸನೆಯ ನೋವಿನಿಂದಾಗಿ ದೊರೆಯುಂತದ್ದಲ್ಲ. ಬದಲಿಗೆ, ಅವು ನಿರಂತರವಾದ ಆನಂದಗಳು ಮತ್ತು ಕೊನೆಯಿಲ್ಲದ ಅನುಗ್ರಹಗಳಾಗಿವೆ. ಇದರ ಹಿಂದಿನ ತತ್ವವೆಂದರೆ, ಅವರು ಈ ಜಗತ್ತಿನಲ್ಲಿ ಯಾವ ರೀತಿಯ ಆನಂದಗಳನ್ನು ಅನುಭವಿಸುತ್ತಿದ್ದರೋ, ಅದೇ ರೀತಿಯ ಆನಂದಗಳನ್ನು (ಪರಿಪೂರ್ಣ ರೂಪದಲ್ಲಿ) ಅಲ್ಲಿಯೂ ಅನುಭವಿಸುತ್ತಾರೆ."