ನನಗೆ ಇಸ್ಲಾಮಿನ ಬಗ್ಗೆ, ನಿಮ್ಮ ಹೊರತು ಬೇರೆ ಯಾರಲ್ಲೂ ಕೇಳಬೇಕಾಗಿ ಬರದಂತಹ ಒಂದು ಮಾತನ್ನು ಹೇಳಿಕೊಡಿ." ಅವರು ಹೇಳಿದರು: "ನಾನು ಅಲ್ಲಾಹನಲ್ಲಿ ವಿಶ್ವಾಸವಿಟ್ಟಿದ್ದೇನೆ ಎಂದು ಹೇಳಿರಿ, ನಂತರ ದೃಢವಾಗಿ ನಿಲ್ಲಿರಿ

ಅಲ್ಲಾಹನಲ್ಲಿ, ಅವನ ಪ್ರಭುತ್ವದಲ್ಲಿ, ಅವನ ದೈವಿಕತೆಯಲ್ಲಿ ಮತ್ತು ಅವನ ಹೆಸರು ಹಾಗೂ ಗುಣಲಕ್ಷಣಗಳಲ್ಲಿ ವಿಶ್ವಾಸವಿಡುವುದು ಧರ್ಮದ ಅಡಿಪಾಯವಾಗಿದೆ.
ವಿಶ್ವಾಸವಿಟ್ಟ ಬಳಿಕ ದೃಢವಾಗಿ ನಿಲ್ಲುವುದು, ಆರಾಧನೆಗಳಲ್ಲಿ ಮುಂದುವರಿಯುವುದು ಮತ್ತು ಅದರಲ್ಲಿ ಸ್ಥಿರವಾಗಿರುವುದರ ಪ್ರಾಮುಖ್ಯತೆಯನ್ನು ತಿಳಿಸಲಾಗಿದೆ.
ಕರ್ಮಗಳು ಸ್ವೀಕಾರವಾಗಲು ವಿಶ್ವಾಸವು ಒಂದು ಷರತ್ತಾಗಿದೆ.
ಅಲ್ಲಾಹನಲ್ಲಿರುವ ವಿಶ್ವಾಸವು ಕಡ್ಡಾಯವಾಗಿ ವಿಶ್ವಾಸವಿಡಬೇಕಾದ ನಂಬಿಕೆಗಳು ಮತ್ತು ಅದರ ತತ್ವಗಳು, ಅದಕ್ಕೆ ಅನುಬಂಧಿತವಾಗಿರುವ ಹೃದಯ ಸಂಬಂಧಿತ ಕರ್ಮಗಳು, ಆಂತರಿಕವಾಗಿ ಮತ್ತು ಬಾಹ್ಯವಾಗಿ ಅಲ್ಲಾಹನಿಗೆ ಸಂಪೂರ್ಣ ಶರಣಾಗುವುದು ಮತ್ತು ಸಮರ್ಪಿಸಿಕೊಳ್ಳುವುದು ಮುಂತಾದವುಗಳನ್ನು ಒಳಗೊಂಡಿದೆ.
ದೃಢವಾಗಿ ನಿಲ್ಲುವುದು ಎಂದರೆ ಕಡ್ಡಾಯ ಕಾರ್ಯಗಳನ್ನು ನಿರ್ವಹಿಸುವ ಮೂಲಕ ಮತ್ತು ನಿಷೇಧಿಸಲಾದ ಕಾರ್ಯಗಳಿಂದ ದೂರವಿರುವ ಮೂಲಕ ನೇರ ಮಾರ್ಗಕ್ಕೆ ಸದಾ ಅಂಟಿಕೊಂಡಿರುವುದು.