ವರ್ಷವಿಡೀ ಉಪವಾಸ ಆಚರಿಸುವವನು ಉಪವಾಸ ಆಚರಿಸುವುದಿಲ್ಲ. ಪ್ರತಿ ತಿಂಗಳ ಮೂರು ದಿನಗಳಲ್ಲಿ ಉಪವಾಸ ಆಚರಿಸುವುದು ವರ್ಷವಿಡೀ ಉಪವಾಸ ಆಚರಿಸಿದಂತೆ

ಪ್ರತಿ ತಿಂಗಳ ಮೂರು ದಿನಗಳಲ್ಲಿ ಉಪವಾಸ ಆಚರಿಸುವುದು ವರ್ಷವಿಡೀ ಉಪವಾಸ ಆಚರಿಸಿದಂತೆ. ಏಕೆಂದರೆ ಸತ್ಕರ್ಮಕ್ಕೆ ಹತ್ತು ಪಟ್ಟು ಪ್ರತಿಫಲವಿದೆ. ಆದ್ದರಿಂದ ಮೂರು ದಿನಗಳು ಮೂವತ್ತು ದಿನಗಳಾಗುತ್ತವೆ. ಹೀಗೆ ಪ್ರತಿ ತಿಂಗಳು ಮೂರು ದಿನ ಉಪವಾಸ ಆಚರಿಸಿದರೆ ಅದು ವರ್ಷವಿಡೀ ಉಪವಾಸ ಆಚರಿಸಿದಂತೆ.
ಅಲ್ಲಾಹನ ಕಡೆಗೆ ಕರೆಯುವ ವಿಧಾನಗಳಲ್ಲಿ ಒಂದು ಏನೆಂದರೆ, ಕರ್ಮವನ್ನು ಮಾಡಲು ಪ್ರೋತ್ಸಾಹಿಸುವುದು ಮತ್ತು ಅದರ ಪ್ರತಿಫಲ ಹಾಗೂ ಅದನ್ನು ನಿರಂತರವಾಗಿ ನಿರ್ವಹಿಸುವುದರ ಪ್ರತಿಫಲವನ್ನು ತಿಳಿಸಿಕೊಡುವುದು.
ಖತ್ತಾಬಿ ಹೇಳುತ್ತಾರೆ: "ಅಬ್ದುಲ್ಲಾ ಬಿನ್ ಅಮ್ರ್ ಅವರ ಕಥೆಯ ಸಾರಾಂಶವೇನೆಂದರೆ, ತನ್ನನ್ನು ಕೇವಲ ಉಪವಾಸದಿಂದ ಮಾತ್ರ ಆರಾಧಿಸಲು ಅಲ್ಲಾಹು ತನ್ನ ದಾಸನಿಗೆ ಹೇಳಿಲ್ಲ. ಬದಲಿಗೆ, ವಿವಿಧ ರೀತಿಯ ಆರಾಧನೆಗಳಿಂದ ಆರಾಧಿಸಲು ಹೇಳಿದ್ದಾನೆ. ಆದ್ದರಿಂದ, ಅವನು ತನ್ನ ಎಲ್ಲಾ ಶಕ್ತಿಯನ್ನು ಒಂದರಲ್ಲೇ ವ್ಯಯಿಸಿದರೆ, ಇತರವುಗಳಲ್ಲಿ ಕೊರತೆಯುಂಟಾಗುತ್ತದೆ. ಆದ್ದರಿಂದ ಇತರ ಆರಾಧನೆಗಳಿಗೆ ಶಕ್ತಿಯನ್ನು ಉಳಿಸಿಕೊಳ್ಳಲು ಅದರಲ್ಲಿ ಮಧ್ಯಮ ಮಾರ್ಗವನ್ನು ಅನುಸರಿಸುವುದು ಉತ್ತಮವಾಗಿದೆ. ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ದಾವೂದ್ (ಅವರ ಮೇಲೆ ಶಾಂತಿಯಿರಲಿ) ರವರ ಬಗ್ಗೆ ಹೇಳಿರುವ ಮಾತಿನಲ್ಲಿ ಇದನ್ನು ಸೂಚಿಸಲಾಗಿದೆ: "ಅವರು ಯುದ್ಧದಲ್ಲಿ ಎದುರಾಳಿಯನ್ನು ಎದುರಿಸಿದರೆ ಪಲಾಯನ ಮಾಡುತ್ತಿರಲಿಲ್ಲ." ಏಕೆಂದರೆ ಅವರು ಉಪವಾಸವನ್ನು ಬಿಟ್ಟುಬಿಡುವ ಮೂಲಕ ಯುದ್ಧಕ್ಕಾಗಿ ಶಕ್ತಿಯನ್ನು ಪಡೆಯುತ್ತಿದ್ದರು."
ಆರಾಧನೆಯಲ್ಲಿ ಅತಿಯಾದ ಆಳಕ್ಕೆ ಹೋಗುವುದು ಮತ್ತು ಅನಗತ್ಯವಾಗಿ ಕಷ್ಟಪಡಿಸುವುದು ನಿಷೇಧಿಸಲಾಗಿದೆ. ಸುನ್ನತ್‌ಗೆ ಬದ್ಧವಾಗಿರುವುದು ಉತ್ತಮವಾಗಿದೆ.
ಬಹುಪಾಲು ವಿದ್ವಾಂಸರ ಅಭಿಪ್ರಾಯದ ಪ್ರಕಾರ ವರ್ಷವಿಡೀ ಉಪವಾಸ ಆಚರಿಸುವುದು ಅಸಹ್ಯಕರ (ಕರಾಹತ್ ) ವಾಗಿದೆ. ಆದರೆ ತನ್ನ ಮೇಲೆ ಒತ್ತಡ ಹೇರಿ, ತನ್ನ ದೇಹಕ್ಕೆ ಹಾನಿ ಮಾಡಿದರೆ, ಮತ್ತು ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಸುನ್ನತ್‌ನಿಂದ ದೂರ ಸರಿದು, ಅವರ ಸುನ್ನತ್‌ಗಿಂತ ಈ ರೀತಿ ಮಾಡುವುದು ಉತ್ತಮವಾಗಿದೆ ಎಂದು ನಂಬಿದರೆ ಅದು ಹರಾಮ್ ಆಗುತ್ತದೆ.