ಖಂಡಿತವಾಗಿಯೂ ನಿಮ್ಮ ಪರಿಪಾಲಕನು (ಅಲ್ಲಾಹು) ಸಂಕೋಚದವನು ಮತ್ತು ಉದಾರನು. ದಾಸನು ತನ್ನ ಕೈಗಳನ್ನು ಅವನ ಕಡೆಗೆ ಎತ್ತಿದಾಗ ಅವುಗಳನ್ನು ಖಾಲಿಯಾಗಿ ಹಿಂದಿರುಗಿಸಲು ಅವನು ಸಂಕೋಚಪಡುತ್ತಾನೆ

ಪ್ರಾರ್ಥನೆಯ ಸಮಯದಲ್ಲಿ ಕೈಗಳನ್ನು ಎತ್ತುವಂತೆ ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಪ್ರೋತ್ಸಾಹಿಸುತ್ತಿದ್ದಾರೆ. ಅವರು ತಿಳಿಸುವುದೇನೆಂದರೆ, ಪರಿಶುದ್ಧನಾದ ಅಲ್ಲಾಹನು "ಸಂಕೋಚದವನು" ಅಂದರೆ, ಬಹಳ ನಾಚಿಕೆಪಡುವವನು. ಅವನು ಕೊಡುವುದನ್ನು ನಿಲ್ಲಿಸುವುದಿಲ್ಲ. ತನ್ನ ದಾಸನಿಗೆ ಸಂತೋಷ ತರುವುದನ್ನೇ ಅವನು ಮಾಡುತ್ತಾನೆ ಮತ್ತು ತೊಂದರೆಯಾಗುವುದನ್ನು ಬಿಟ್ಟುಬಿಡುತ್ತಾನೆ. ಅವನು "ಉದಾರನು" ಅಂದರೆ, ಅವನು ಕೇಳದೆಯೇ ನೀಡುವವನು. ಹೀಗಿರುವಾಗ ಅವನಲ್ಲಿ ಏನಾದರೂ ಕೇಳಿದರೆ ಹೇಗಿರಬಹುದು! ತನ್ನ ಸತ್ಯವಿಶ್ವಾಸಿ ದಾಸನು ಪ್ರಾರ್ಥನೆಗಾಗಿ ತನ್ನ ಕೈಗಳನ್ನು ಎತ್ತಿದಾಗ, ಅವುಗಳನ್ನು ಬರಿದಾಗಿ, ಖಾಲಿಯಾಗಿ ಮತ್ತು ಉತ್ತರ ರಹಿತವಾಗಿ ಹಿಂದಿರುಗಿಸಲು ಅವನು ನಾಚಿಕೆಪಡುತ್ತಾನೆ.