ಅಲ್ಲಾಹನ ಸಂದೇಶವಾಹಕರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಫಿತ್ರ್ ಝಕಾತನ್ನು ಒಂದು ಸಾಅ್ ಖರ್ಜೂರ ಅಥವಾ ಒಂದು ಸಾಅ್ ಬಾರ್ಲಿಯಂತೆ ಗುಲಾಮರು, ಸ್ವತಂತ್ರರು, ಪುರುಷರು, ಸ್ತ್ರೀಯರು, ಕಿರಿಯರು, ಹಿರಿಯರು ಮುಂತಾದ ಎಲ್ಲಾ ಮುಸ್ಲಿಮರ ಮೇಲೆ ಕಡ್ಡಾಯಗೊಳಿಸಿದರು. ಜನರು ನಮಾಝ್‌ಗೆ ಹೊರಡುವ ಮೊದಲು ಅದನ್ನು ನೀಡಬೇಕೆಂದು ಅವರು ಆದೇಶಿಸಿದರು

ರಮದಾನ್ ತಿಂಗಳ ನಂತರದ ಫಿತ್ರ್ ಝಕಾತನ್ನು ಕಿರಿಯರು, ಹಿರಿಯರು, ಸ್ವತಂತ್ರರು, ಗುಲಾಮರು ಮುಂತಾದ ಎಲ್ಲರ ಪರವಾಗಿ ನೀಡಬೇಕಾಗಿದೆ. ಇದನ್ನು ಕುಟುಂಬ ಪೋಷಕರು ಮತ್ತು ಯಜಮಾನರಿಗೆ ವಹಿಸಲಾಗಿದೆ. ಅವರು ಇದನ್ನು ತಮ್ಮ ಪರವಾಗಿ, ತಮ್ಮ ಮಕ್ಕಳು ಮತ್ತು ತಾನು ಯಾರ ವೆಚ್ಚವನ್ನು ಭರಿಸಲು ಬದ್ಧನಾಗಿರುವನೋ ಅವರ ಪರಗಾಗಿ ಅದನ್ನು ನೀಡಬೇಕು.
ಹೊಟ್ಟೆಯಲ್ಲಿರುವ ಭ್ರೂಣಕ್ಕೆ ಫಿತ್ರ್ ಝಕಾತ್ ನೀಡುವುದು ಕಡ್ಡಾಯವಲ್ಲ. ಆದರೆ ಅದು ಅಪೇಕ್ಷಣೀಯವಾಗಿದೆ.
ಫಿತ್ರ್ ಝಕಾತ್ ಆಗಿ ಏನು ನೀಡಬೇಕೆಂದು ವಿವರಿಸಲಾಗಿದೆ. ಅದು ಜನರ ಸಾಮಾನ್ಯವಾಗಿ ಬಳಸುವ ಆಹಾರ ವಸ್ತುವಾಗಿರತಕ್ಕದ್ದು.
ಈದ್ ನಮಾಝ್‌ಗೆ ಮುಂಚಿತವಾಗಿ ಅದನ್ನು ನೀಡುವುದು ಕಡ್ಡಾಯವಾಗಿದೆ. ಈದ್ ಹಬ್ಬದ ಬೆಳಿಗ್ಗೆ ಅದನ್ನು ನೀಡುವುದು ಶ್ರೇಷ್ಠವಾಗಿದೆ. ಈದ್‌ಗಿಂತ ಒಂದು ಅಥವಾ ಎರಡು ದಿನಗಳ ಮೊದಲು ಅದನ್ನು ನೀಡಲು ಅನುಮತಿಸಲಾಗಿದೆ.