ಇಮಾಮರು ತಲೆ ಎತ್ತುವುದಕ್ಕಿಂತ ಮೊದಲು ತಲೆ ಎತ್ತುವವರು, ಅಲ್ಲಾಹು ಅವರ ತಲೆಯನ್ನು ಕತ್ತೆಯ ತಲೆಯಾಗಿ, ಅಥವಾ ಅವರ ರೂಪವನ್ನು ಕತ್ತೆಯ ರೂಪವಾಗಿ ಮಾರ್ಪಡಿಸುವನು ಎಂದು ಭಯಪಡುವುದಿಲ್ಲವೇ?

ಇಮಾಮರ ಹಿಂದೆ ನಮಾಝ್ ಮಾಡುವವರಿಗೆ ಇಮಾಮರೊಂದಿಗೆ ನಾಲ್ಕು ಸ್ಥಿತಿಗಳಿವೆ. ಮೂರು ಸ್ಥಿತಿಗಳನ್ನು ವಿರೋಧಿಸಲಾಗಿದೆ. ಅವು: ಇಮಾಮರಿಗಿಂತ ಮೊದಲು ನಿರ್ವಹಿಸುವುದು, ಇಮಾಮರ ಜೊತೆಗೆ ನಿರ್ವಹಿಸುವುದು ಮತ್ತು ಇಮಾಮರಿಗಿಂತ ತಡ ಮಾಡಿ ನಿರ್ವಹಿಸುವುದು. ಸರಿಯಾದ ವಿಧಾನ ಯಾವುದೆಂದರೆ, ಇಮಾಮರು ಒಂದು ಕ್ರಿಯೆಯನ್ನು ನಿರ್ವಹಿಸಿದ ತಕ್ಷಣ ನಿರ್ವಹಿಸುವುದು.
ನಮಾಝಿನಲ್ಲಿ ಹಿಂದೆ ಇರುವವರು ಇಮಾಮರನ್ನು ಅನುಸರಿಸುವುದು ಕಡ್ಡಾಯವಾಗಿದೆ.
ಇಮಾಮರಿಗಿಂತ ಮೊದಲು ತಲೆಯೆತ್ತುವವರ ರೂಪವನ್ನು ಕತ್ತೆಯಾಗಿ ಪರಿವರ್ತಿಸಲಾಗಬಹುದು ಎಂಬ ಎಚ್ಚರಿಕೆಯು ಸಂಭವಿಸಬಹುದಾಗಿದ್ದು, ಅದು ರೂಪ ಪರಿವರ್ತನೆಯಲ್ಲಿ ಒಳಪಡುತ್ತದೆ.