هه‌ر شه‌ڤ، ده‌مێ پێغه‌مبه‌ر (صه‌لات و سه‌لامێن خودێ ل سه‌ر بن) دهاته‌ سه‌ر جهێ خۆ یێ نڤستنێ؛ دا له‌پێن ده‌ستێ خۆ گه‌هینیته‌ ئێك (وه‌كی ده‌مێ ئه‌م دوعا دكه‌ین)، پاشی دا پفكه‌ته‌ تێدا و دا ڤان سووڕه‌تان تێدا خوینیت: {قُلْ هُوَ اللهُ أَحَدٌ} و {قُلْ أَعُوذُ بِرَبِّ الْفَلَقِ} و {قُلْ أَعُوذُ بِرَبِّ النَّاسِ}

ژ ڕێبازا پێغه‌مبه‌ری (صه‌لات و سه‌لامێن خودێ ل سه‌ر بن) بوو ده‌مێ دهاته‌ سه‌ر جهێ خۆ یێ نڤستنێ دا بنڤیت؛ دا له‌پێن ده‌ستێ خۆ گه‌هینیته‌ ئێك و دا بلند كه‌ت - وه‌كی ده‌مێ ئه‌م دوعا دكه‌ین -، پاشی دا پفكه‌ته‌ تێدا، ب پفكرنه‌كا ساده‌ كو ته‌ڕاتییه‌كا كێم پێڤه‌ بیت (نه‌كو دێ تف كه‌ته‌ پێڤه‌)، پاشی دا ڤان سێ سووڕه‌تان خوینیت: {قُلْ هُوَ اللهُ أَحَدٌ} و {قُلْ أَعُوذُ بِرَبِّ الْفَلَقِ} و {قُلْ أَعُوذُ بِرَبِّ النَّاسِ}*، پاشی دا ده‌ستێن خۆ ب له‌شێ خۆدا ئینیت و هندی جهه‌كێ شیابا دا ڤه‌مالیت، دا ژ سه‌رێ خۆ و ناڤچاڤێن خۆ و پشكا سینگی ژ له‌شێ خۆ ده‌ستپێكه‌ت، ئه‌ڤ چه‌نده‌ ژی سێ جاران دووباره‌ دكر.