((هه‌ر كه‌سێ بچیتە ده‌ڤ فالگره‌كی و پرسیارا تشته‌كی ژێ بكه‌ت، چل ڕۆژان نڤێژا وی ناهێته‌ قه‌بویلكرن))

حه‌رامبوونا فالگرتنێ و چوونا ده‌ڤ فالگران و پرسیاركرنا ژ وان ل دۆر بابه‌تێن غه‌یبی.
دبیت مرۆڤ ژ خێرا عیباده‌تی بێبه‌هر بیت، ئه‌ڤه‌ ژی وه‌ك سزایه‌ك ل سه‌ر كرنا گونه‌هێ.
ئه‌و تشتێن ب بورج و به‌رێخۆدانا وان دهێنه‌ ناڤكرن ژی هه‌ر دچنه‌ د بن ڤێ فه‌رمووده‌یێڤه‌، كا چاوا خواندنا له‌پێ ده‌ستی و ناڤ فنجانێ ژی - خۆ ئه‌گه‌ر بۆ خواندن و به‌رێخۆدانێ ب تنێ ژی بیت - دچیته‌ د بن ڤێ فه‌رمووده‌یێڤه‌، چونكی ئه‌ڤه‌ هه‌می ژ فالگرتنێیه‌ و ژ بانگه‌شه‌كرنا زانینا غه‌یبێیه‌.
ئه‌گه‌ر ئه‌ڤه‌ سزایێ وی كه‌سی بیت یێ دچیته‌ ده‌ڤ فالگری، پا نوكه‌ سزایێ فالگری ب خۆ چه‌ندێ مه‌زنه‌؟
ئه‌گه‌ر مرۆڤی وان چل ڕۆژان نڤێژێن خۆ كرن؛ دێ فه‌ڕزبوونا وان ل سه‌ر مرۆڤی ڕابیت و پێدڤی نینه‌ ئه‌و جاره‌كا دی هه‌مییان بكه‌ت، به‌لێ چ خێر تێدا نینه‌ و بۆ وی ناهێته‌ نڤیسین.