((هه‌ر كه‌سێ ل جهه‌كى ب روينيته‌ خوار، پاشی گۆت: ئه‌ز خۆ ب په‌یڤێن خودێ یێن ته‌مام دپارێزم، ژ خرابییا وی تشتێ ئافراندی، خۆ تشته‌ك زیانێ ناگه‌هینیته‌ وی هه‌تا ئه‌و ژ وی جهی دچیت و باردكه‌ت))

پێغه‌مبه‌ر (صه‌لات و سه‌لامێن خودێ ل سه‌ر بن) ڕێنیشاندانا ئوممه‌تا خۆ دكه‌ت بۆ وێ ده‌ستگرتن و په‌نابرنا بمفا یا ب وێ هه‌ر تشتێ مرۆڤ ژێ بترسیت نامینیت ئه‌گه‌ر چوو ل جهه‌كی ڕوينشته‌ خوار ، چ ئه‌ڤ چوونه‌ بۆ گه‌شتكرنێ بیت یان بۆ گه‌ڕیان و خۆشییێ بیت یان بۆ هه‌ر مه‌ره‌مه‌كا دی بیت: ئه‌ڤه‌ ژی ب وێ چه‌ندێ كو ده‌ستبگریت و په‌نایێ ببه‌ت بۆ په‌یڤێن خودێ یێن ته‌مام د قه‌در و بها و به‌ره‌كه‌ت و مفایێ خۆدا، ئه‌و په‌یڤێن پاراستی ژ هه‌ر عه‌یب و كێماسییه‌كێ، ژ خرابییا هه‌ر چێكرییه‌كێ خرابی تێدا هه‌بیت، ئه‌گه‌ر ئه‌ڤه‌ گۆت؛ دێ ل وی جهێ لێ مایه‌ڤه‌ هێته‌ پاراستن ژ هه‌ر تشته‌كێ نه‌خۆشییێ بگه‌هینیتێ، هندی ئه‌و لێ بمینیت و ژێ بارنه‌كه‌ت.