((هه‌ر تشته‌كێ مرۆڤ پێ سه‌رخۆش بیت؛ عه‌ره‌قه‌ و هه‌ر تشته‌كێ سه‌رخۆشكه‌ر بیت یێ حه‌رامه‌، و هه‌ر كه‌سێ بمریت و د دونیایێدا ئه‌وی عه‌ره‌ق ڤه‌دخوار و بووبوو مودمنێ عه‌ره‌قێ (به‌رده‌وام ڤه‌دخوار)و ژێ ته‌وبه‌ نه‌كر؛ ئه‌و ل ئاخره‌تێ ڤه‌ناخۆت ))

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دیار كر کو هه‌ر تشته‌کێ ئه‌قلێ مرۆڤی دبه‌ت؛ عه‌ره‌قه‌كا سه‌رخۆشكه‌ره‌، چ ئه‌ڤ تشته‌ ڤه‌خوارن بیت یان خوارن بیت یان هەلکێشانەك بیت یان هه‌ر تشته‌كێ دی بیت، و كو هه‌ر تشته‌کێ سه‌رخۆشكه‌ر بیت و ئه‌قلی ببه‌ت؛ خودێ یێ حه‌رام کری و پاشڤه‌برن یا ژێ كری، چ كێم بیت یان گه‌له‌ك، و کو هه‌ر که‌سێ هه‌ر جۆره‌ك ژ وان سه‌رخۆشکه‌ران ڤه‌خۆ‌ت و ل سه‌ر ڤه‌خوارنا وێ به‌رده‌وام بیت و ژێ ته‌وبه‌ نه‌که‌ت هه‌تا دمریت؛ هنگی ئه‌و یێ ژ هه‌ژی سزایێ خودێیه‌، ئه‌ڤه‌ ژی ب بێباركرنا وی ژ ڤه‌خوارنا عه‌ره‌قێ ل به‌هه‌شتێ.