((فه‌رمان ل من هاتییه‌ كرن ئه‌ز شه‌ڕێ خه‌لكی بكه‌م هه‌تا ئه‌و شاهده‌ دده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌، و نڤێژان بكه‌ن و زه‌كاتێ بده‌ن

پێغه‌مبه‌ر (صه‌لات و سه‌لامێن خودێ ل سه‌ر بن) به‌حس دكه‌ت کو خودێ فه‌رمان لێ كرییه شه‌ڕێ موشرکان بکه‌ت هه‌تا شاهده‌ییێ دده‌ن کو ژ ئه‌لڵاهی پێڤه‌تر؛ چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، و شاهده‌ییێ دده‌ن ب پێغه‌مبه‌رینییا موحه‌ممه‌دی (صه‌لات و سه‌لامێن خودێ ل سه‌ر بن)، ئه‌ڤه‌ ژی ب پێگیربوونا ب ڤێ شاهده‌ییێ ب پاراستنا پێنج نڤێژان د شه‌ڤ و ڕۆژه‌کێدا و زه‌کاتا فه‌ڕز دده‌نه‌ كه‌سێن ژ هه‌ژی ڤێ زه‌كاتێ. ڤێجا ئه‌گه‌ر وان ئه‌و كر، ئیسلام دێ خوین و مالێن وان پارێزیت، و حه‌لال نینه‌ بهێنه‌ كوشتن ئەو نەبیت ئه‌گه‌ر تاوانه‌کێ بکه‌ن یان ژی گونه‌هه‌کێ بکه‌ن کو ل دویڤ حوکمێن ئیسلامێ سزایێ وان كوشتن بیت، پاشی ل ڕۆژا قیامه‌تێ خودێ دێ لێپرسینێ د گه‌ل وان كه‌ت، چونکی خودێ دزانیت كا چ د دل و ناخێن واندا هه‌یه‌.