من و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه‌ د ئامانه‌كێ ئاڤێدا سه‌رێ خۆ دشویشت، د ده‌مه‌كیدا ئه‌م هه‌ردوو ب‌ جه‌نابه‌ت بووین، و وی فه‌رمان ل من دكر ئه‌ز جلكه‌كی ل ناڤته‌نگا خۆ گرێده‌م، پاشی قه‌ستا من دكر، د ده‌مه‌كیدا ئه‌ز د زڤڕۆكا هه‌یڤانه‌دا بووم

عائیشایا دایكا باوه‌رداران (خودێ ژێ ڕازی بیت) به‌حسێ هنده‌ك ڕه‌وشێن تایبه‌ت یێن د ناڤبه‌را وێ و پێغه‌مبه‌ریدا (صه‌لات و سه‌لامێن خودێ ل سه‌ر بن) دكه‌ت، ژ وان ژی: وێ و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه د ئامانه‌كێ ئاڤێدا سه‌رێ خۆ ژ به‌ر جه‌نابه‌تێ دشویشت، ڤێجا هه‌ردووكان ژ وی ئامانی ئاڤ ڕادكر. و ده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) ڤیابا نێزیكی وێ ببیت و ئه‌و د زڤڕۆكا هه‌یڤانه‌دابا؛ فه‌رمان ل وێ دكر كو ناڤته‌نگا خۆ د ناڤبه‌را ناڤك و چۆكاندا ب نخێڤیت و ڤه‌شێریت، پاشی سه‌ره‌ده‌ری د گه‌ل دكر و نێزیكی وێ دبوو، ب تنێ جووتبوون نه‌بیت. هه‌روه‌سا پێغه‌مبه‌ری (صه‌لات و سه‌لامێن خودێ ل سه‌ر بن) د مزگه‌فتێڤه‌ ئیعتیكاف دكر، ڤێجا سه‌رێ خۆ دئینا ژ ده‌رڤه‌ی مزگه‌فتێ دا كو عائیشا سه‌رێ وی بشۆت، د ده‌مه‌كیدا ئه‌و د مالا خۆڤه‌ بوو و یا د زڤڕۆكا هه‌یڤانه‌دا بوو.