((ب تنێ به‌س بوو تو ب ده‌ستێن خۆ ئه‌ڤێ بكه‌ی))، پاشی هه‌ردوو ده‌ستێن خۆ ئێك جار ل ئه‌ردی دان و مه‌سحا ده‌ستێ چه‌پێ ل سه‌ر یێ ڕاستێ كر و پشتا ده‌ستێن خۆ و سه‌روچاڤێن خۆ پێ مه‌سح كرن

پێغه‌مبه‌ری (صه‌لات و سه‌لامێن خودێ ل سه‌ر بن) بۆ كاره‌كێ تایبه‌ت عه‌ممارێ كوڕێ یاسری فرێكربوو گه‌شته‌كێ و ئه‌و تووشی جه‌نابه‌تێ بوو، ڤێجا چ ب جووتبوونێ بیت یان هه‌تا ب ڕێكا شه‌هوه‌تێ ئاڤا وی هاتبیته‌ خوار، و ئاڤ نه‌دیت دا سه‌رێ خۆ پێ بشۆت، و وی نه‌دزانی كو ته‌یه‌مموم بۆ جه‌نابه‌تێ ژی دروستە، به‌لكی هزر دكر ئه‌و ب تنێ بۆ ده‌ستنڤێژا بچویكه‌ و ئه‌ڤ چه‌نده‌ نه‌دزانی، ڤێجا وی هزرا خۆ كر (ئیجتیهاد كر) و وه‌سا زانی كا چاوا مرۆڤ هنده‌ك ئه‌ندامێن له‌شێ خۆ یێن كو بۆ ده‌ستنڤێژا بچویك دشۆت ب ئاخێ مه‌سح دكه‌ت، هنگی بۆ گرتنا ته‌یه‌ممومێ بۆ ڕاكرنا جه‌نابه‌تێ ژی دڤێت ئاخێ ل هه‌می له‌شێ خۆ بده‌ت، ئه‌ڤه‌ ژی وه‌ك قیاسكرن ل سه‌ر ئاڤێ، له‌وا ئه‌وی ژی خۆ د ئاخێ وه‌ركر هه‌تا ئاخێ هه‌می له‌شێ وی ڤه‌گرتی و پاشی نڤێژ كر، ده‌مێ هاتییه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) ئه‌ڤه‌ بۆ گۆت، دا بزانیت كا ئه‌رێ وی كاره‌كێ دروست كرییه‌ یان نه‌؟ پێغه‌مبه‌ری ژی شێوازێ پاقژبوونا ژ هەردوو بێده‌ستنڤێژییان یا بچویك وەکی میزێ و یا مه‌زن وەکی جەنابەتێ بۆ دیار كر: كو ئه‌و ژی ب تنێ ب هندێ دبیت مرۆڤ ئێك جار ده‌ستێن خۆ ل ئاخا سه‌رڤه‌هییا ئه‌ردی بدەت، پاشی مه‌سحا ده‌ستێ چه‌پێ ل سه‌ر یێ ڕاستێ بكه‌ت و پشتا هه‌ردوو ده‌ستان و سه‌روچاڤێن خۆ پێ مه‌سح بكه‌ت.