((طیه‌ره‌ شركه‌، طیه‌ره‌ شركه‌، طیه‌ره‌ شركه‌ -سێ جاران گۆت-))، و كه‌س ژ مه‌ نینه‌ هنده‌ك جاران ئه‌ڤ هه‌سته‌ بۆ په‌یدا نه‌بیت، به‌لێ خودایێ مه‌زن ب خۆ هێلانا ب هیڤییا ویڤه‌ وێ چه‌ندێ ژ ناڤ دبه‌ت

پێغه‌مبه‌ری (صه‌لات و سه‌لامێن خودێ ل سه‌ر بن) هشیاركرن ژ (طیه‌ره‌یێ) دا كو ئه‌و ژی ب شووم دیتن و بێئیفله‌ح دیتنا هه‌ر تشته‌كێ بهێته‌ گوهلێبوون یان دیتن‌، وه‌كی‌ بالنده‌یان، گیانه‌وه‌ران، كه‌سێن كێمئه‌ندام، ژماره‌یان، ڕۆژان یان هه‌ر تشته‌كێ دی. و به‌حسێ بالنده‌یان كرییه‌، چونكی ل سه‌رده‌مێ نه‌زانیێ (جاهلییه‌تێ) ئه‌ڤ چه‌نده‌ یا به‌لاڤ بوو، بابه‌ت ژی یێ ب ڤی ڕه‌نگی بوو: ده‌مێ ئێكی ڤیابا ده‌ست ب كاره‌كی یان گه‌شته‌كێ یان بازرگانییه‌كێ یان هه‌ر تشته‌كێ دی بكه‌ت؛ دا بالنده‌یەكی به‌رده‌ت، ئه‌گه‌ر ئه‌ڤ بالنده‌ بۆ لایێ ڕاستێ فڕیبا؛ دا بێژیت ئه‌ڤ كاره‌ یێ ب خێره‌ و دا ده‌ست ب وی كاری كه‌ت، به‌لێ ئه‌گه‌ر بۆ لایێ چه‌پێ فڕیبا؛ دا بێژیت خێر د ڤی كاریدا نینه‌ و بێئیفله‌حییه‌ و دا ده‌ست ژ كاری به‌رده‌ت. و دیار كر كو ئه‌ڤه‌ شركه‌، بێئیفله‌حی و ب شووم دیتن‌ شركە؛ چونكی كه‌س خێرێ نائینیت و كه‌س خرابییێ دویر ناكه‌ت ژ بلی خودایێ ئێكانه‌.

ئبن مه‌سعوودی (خودێ ژێ ڕازی بیت) ژی ئاماژه‌ ب هندێ كر كو دبیت تشتەك ژ بێئيفلەحی و شووم دیتنێ د دلێ موسلمانیدا په‌یدا ببیت، به‌لێ پێدڤییه‌ ب پشتبه‌ستن و خۆهێلانا ب هیڤییا خودێڤه‌ و ئه‌نجامدانا ئه‌گه‌ران وی تشتی ژ ناڤ ببه‌ت.