((هوین ناچنه‌ به‌حه‌شتێ هه‌تا باوه‌رییێ نه‌ئینن، و باوه‌رییا هه‌وه‌ كامل نابیت هه‌تا حه‌ز ژ ئێكودوو نه‌كه‌ن، ئه‌رێ ما ئه‌ز به‌رێ هه‌وه‌ نه‌ده‌مه‌ تشته‌كی ئه‌گه‌ر هوین ئه‌نجام بده‌ن دێ حه‌ز ژ ئێكودوو كه‌ن؟ سلاڤێ د ناڤبه‌را خۆدا به‌لاڤ بكه‌ن))

چوونا به‌حه‌شتێ ب ده‌ستڤه‌ ناهێت ئه‌گه‌ر باوه‌ری نه‌بیت.
ژ نیشانێن ته‌مامبوونا باوه‌رییێ ئه‌ڤه‌یه‌‌ مرۆڤێ موسلمان ئه‌و تشت بۆ برایێ خۆ یێ موسلمان بڤێت یێ بۆ خۆ دڤێت.
سوننه‌ته‌ سلاڤ د ناڤ موسلماناندا بهێته‌ به‌لاڤكرن، چونكی ئه‌و دبیته‌ ئه‌گه‌رێ به‌لاڤبوونا ڤیان و حه‌زژێكرن و ته‌ناهییێ د ناڤبه‌را خه‌لكیدا.
سلاڤ ب تنێ ل موسلمانی دهێته‌ كرن، ژ به‌ر گۆتنا وی (صەلات و سەلامێن خودێ ل سەر بن): "د ناڤبه‌را خۆدا".
به‌لاڤكرنا سلاڤێ دبیته‌ ئه‌گه‌رێ نه‌مانا په‌یوه‌ندی بڕینێ و كه‌رب و كینێ.
گرنگییا ڤیان و حه‌زژێكرنێ د ناڤبه‌را موسلماناندا و كو ئه‌و نیشانه‌كا ته‌مامبوونا باوه‌رییێیه‌.
د فه‌رمووده‌یه‌كا دیدا هاتییه‌ كو شێوازێ ته‌مامێ سلاڤێ ئه‌ڤه‌یه‌: "السلام عليكم ورحمة الله وبركاته"، و ئه‌گه‌ر بێژیت "السلام عليكم" ژی هه‌ر دروسته‌ و تێرا هه‌یه‌.