كارێ باوه‌رداری یێ سه‌یره‌، ب ڕاستی هه‌می كارێن وی خێرن و ئه‌ڤه‌ بۆ چ كه‌سێن دی نینه‌ ب تنێ باوه‌ردار نه‌بیت

خێرا سوپاسیكرنێ ل سه‌ر خۆشییان و هه‌داركێشانێ ل سه‌ر نه‌خۆشییان، هه‌ر كه‌سێ وێ چه‌ندێ بكه‌ت؛ خێرا هه‌ردوو جیهانان دێ ب ده‌ست ویڤه‌ هێت و ئه‌وێ سوپاسییا نیعمه‌تێ نه‌كه‌ت و هه‌دارێ ل سه‌ر به‌لا و نه‌خۆشییێ نه‌كێشیت؛ ئه‌ڤه‌ خێر ژ وی چوو و گونه‌هـ بۆ هاته‌ نڤیسین.
قه‌در و بها و خێرا باوه‌رییێ و كو د هه‌می ڕه‌وشاندا خێر یا هه‌ی و ئه‌ڤه‌ ب تنێ بۆ خودانێن باوه‌رییێیه‌.
سوپاسیكرن ل ده‌مێ خۆشییێ و هه‌داركێشان ل ده‌مێ نه‌خۆشییێ ژ سالۆخه‌تێن باوه‌ردارانه‌.
باوه‌ریئینان ب قه‌زا و قه‌ده‌را خودێ وه‌ ل باوه‌رداری دكه‌ت كو د هه‌می ڕه‌وشاندا یێ ڕازی بیت، به‌روڤاژی كه‌سێن بێباوه‌ر كو ده‌مێ نه‌خۆشییه‌ك دگه‌هیتێ؛ یێ نه‌ڕازییه‌ و ده‌مێ خودێ خۆشی و نعیمه‌ته‌ك دایێ؛ دێ پێڤه‌ مژویل بیت و عیباده‌تێ خودێ ناكه‌ت و دێ هێلیت، ئه‌ڤه‌ ژ بلی وێ كو دبیت ئه‌ڤ خۆشییه‌ به‌رێ وی بده‌ته‌ كرنا گونه‌هێ.