ئه‌ڤه‌ ڕه‌هه‌كه‌‌، به‌لكی تو ب قه‌ده‌ر وان ڕۆژێن ته‌ به‌ری نوكه‌ ب ده‌مێ زڤڕۆكا هه‌یڤانه‌ (حه‌یز) دگرتن نڤێژێ بهێله‌، پاشی سه‌رێ خۆ بشۆ و نڤێژا خۆ بكه‌))

فاتیمایا كچا ئه‌بو حوبه‌یشی پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر و گۆت: خوینا من ڕاناوه‌ستیت هه‌تا د غه‌یری وه‌ختێ زڤڕۆكا هه‌یڤانه‌ ژیدا، ئه‌رێ حوكمێ وێ وه‌كی حوكمێ زڤڕۆكا هه‌یڤانه‌یه‌‌ دا ئه‌ز نڤێژێ بهێلم؟ پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ: ئه‌و خوینا ئیستیحازێیه‌، و خوینه‌كا نه‌خۆشییه‌ ژ په‌قین و پڕچیانا ڕه‌هه‌كێ د ناڤ ڕه‌حمیدا په‌یدا دبیت و نه‌ خوینا زڤڕۆكا هه‌یڤانه‌یه‌‌. ڤێجا ئه‌گه‌ر ده‌مێ زڤڕۆكا ته‌ یا هه‌یڤانه‌‌ هات یا تو به‌ری نوكه‌ پێ فێربووی و ته‌ تێدا زڤڕۆكا هه‌یڤا دگرت، به‌ری تو تووشی خوینا ئیستیحازێ ببی، د وى ده‌میدا تو نڤێژ و ڕۆژییان و ئه‌و تشتێن ل سه‌ر وێ ژنا دكه‌ڤیته‌ د زڤڕۆكا هه‌یڤانه‌دا د حه‌رامن ئه‌نجام نه‌ده‌. هه‌ر گاڤا ئه‌و ده‌مه‌ ب دویماهیك هات، ئه‌ڤه‌ تو ژ زڤڕۆكا هه‌یڤانه‌ پاقژ بووی، ڤێجا جهێ خوینێ پاقژ بكه‌ و پاشی هه‌می له‌شێ خۆ ب ته‌مامی بشۆ بۆ پاقژبوونا ژ بێده‌ستنڤێژییا مه‌زن و پاشی نڤێژا خۆ بكه‌.