پێغه‌مبه‌ری (صه‌لات و سه‌لامێن خودێ ل سه‌ر بن) د ناڤبه‌را هه‌ردوو سوجده‌یاندا دگۆت: ((خودایێ من؛ تو گونه‌هێن من ژێببه‌ و دلۆڤانییێ ب من ببه‌ و سلامه‌تی و ڕاسته‌ڕێبوون و ڕزقی بده‌ من))

پێغه‌مبه‌ری (صه‌لات و سه‌لامێن خودێ ل سه‌ر بن) د نڤێژا خۆدا د ناڤبه‌را هه‌ردوو سوجده‌یاندا ئه‌ڤ پێنج دوعایه‌ دكرن كو موسلمان گه‌له‌ك یێ پێدڤی ب وان تشتانه‌ و ئه‌ڤ دوعایه‌ خێر و باشییێن دونیا و ئاخره‌تێ ب خۆڤه‌ دگرن، ژ داخوازا ژێبرنا گونه‌هان و په‌چنتنا گونه‌هان و لێبوورینا ل وان و دلۆڤانی پێكرن و سلامه‌تبوون و پاراستنا ژ گومان و حه‌ز و نه‌ساخی و ئێش و ئازاران، دیسان داخوازا هیدایه‌ت و ڕاسته‌ڕێبوونا دروست و بنه‌جهبوونا ل سه‌ر وێ ژ خودێ، زێده‌باری دانا ڕزقی ژ باوه‌ری و زانینێ و كارێ باش و ژ مال و سامانێ حه‌لال و پاقژ.