((سه‌رشویشتنا ڕۆژا ئه‌ینییێ واجبه‌ ل سه‌ر هه‌ر كه‌سه‌كێ بالغ و كو ئه‌و سیواكی بكار بینیت و كو بێهنه‌كا خۆش ل خۆ بكەت ئه‌گه‌ر ب ده‌ست بكه‌ڤیت))

گرنگی و پشتڕاستكرن ل سه‌ر سوننه‌تبوونا سه‌رشویشتنا ڕۆژا ئه‌ینییێ بۆ هه‌ر زه‌لامه‌كێ موسلمانێ بالغ.
خۆپاقژكرن و نه‌هێلانا بێهنێن نه‌خۆش كاره‌كێ داخوازكرییه‌ ژ لایێ شه‌ریعه‌تیڤه‌ بۆ موسلمانی.
مه‌زنكرنا ڕۆژا ئه‌ینییێ و خۆ بۆ ئاماده‌كرن.
گرنگی و پشتڕاستكرن ل سه‌ر بكارئینانا سیواكی بۆ ڕۆژا ئه‌ینییێ.
سوننه‌تبوونا بێهنخۆشكرنێ ب هه‌ر بێهنه‌كا خۆش به‌ری چوونێ بۆ نڤێژا ئه‌ینییێ.
ژن ده‌مێ ژ مال ده‌ردكه‌ڤیت بۆ نڤێژێ یان بۆ هه‌ر كاره‌كی، دروست نینه‌ بێهنێن خۆش ل خۆ بكەت؛ ژ به‌ر كو سوننه‌ت و فه‌رمووده‌ وێ چه‌ندێ دیار دكه‌ن كو ئه‌ڤ كاره‌ ل سه‌ر ژنێ یێ حه‌رامه‌.
كه‌سێ بالغ ئه‌وه‌ یێ گه‌هشتبیته‌ ژییێ بالغبوونێ و بالغبوون ب چه‌ندین نیشانان دهێته‌ ناسین: سێ ژ وان زه‌لام و ژن تێدا دهه‌ڤپشكن: یا ئێكێ: ته‌مامكرنا پازده‌ سالییێ. یا دووێ: شینبوونا مویێن ستویر و زڤڕ ل ده‌ورێن عه‌وره‌تی. یا سێیێ: هاتنا ئاڤا شه‌هوه‌تێ (مه‌نی) چ ب خه‌ون بیت یان ب شه‌هوه‌ت بیت، هه‌تا ئه‌گه‌ر بێی خه‌ون ژی بیت. به‌لێ نیشانا چارێ یا تایبه‌ته‌ ب ژنێڤه‌ كو ئه‌و ژی: زڤڕۆكا هه‌یڤانه‌یه‌، ڤێجا ئه‌گه‌ر ژن تووشی زڤڕۆكا هه‌یڤانه‌ بوو؛ ئه‌ڤه‌ ئه‌و بالغ بوو‌.