“តើពួកអ្នកចង់ឲ្យខ្ញុំប្រាប់ពីទង្វើដែលមានឋានៈល្អជាងការបួស ការសឡាត និងការបរិច្ចាគទានដែរឬទេ”?

បង្ហាញពីវីធីសាស្ត្របង្រៀនរបស់ណាពី ﷺ ដោយលោកធ្វើការសួរសំណួរទៅកាន់សហាហ្ពាត់របស់លោក និងជំរុញចិត្តពួកគេឲ្យចង់ដឹងចម្លើយ។
អាត់តៃពី បាននិយាយថា៖ ជំរុញ និងលើកទឹកចិត្តឲ្យធ្វើការផ្សះផ្សាររវាងគូជម្លោះ និងចៀសវាងការបំផ្លាញទំនាក់ទំនង ពីព្រោះការផ្សះផ្សារគ្នា គឺជាមូលហេតុមួយដែលនាំឲ្យមនុស្សប្រកាន់ខ្ជាប់នឹងខ្សែរបស់អល់ឡោះ និងមិនមានការបែកបាក់គ្នារវាងជនមូស្លីម។ រីឯការបែកបាក់ទំនាក់ទំនងវិញ គឺជារបួសនៅក្នុងសាសនា។ ដូច្នេះ ជនណាដែលខិតខំផ្សះផ្សា និងលុបបំបាត់ការបែកបាក់នេះនឹងទទួលបានឋានៈមួយដ៏ខ្ពង់ខ្ពស់លើសពីអ្វីដែលអ្នកបួស អ្នកឈរសឡាត ដែលជាការរវល់ជាមួយផលប្រយោជន៍ផ្ទាល់ខ្លួនរបស់ពួកគេ។