“ចូរពួកអ្នកធ្វើជាបន្តបន្ទាប់គ្នារវាងហាជ្ជីនិងអ៊ុមរ៉ោះ ត្បិតវាទាំងពីរនេះ គឺលុបបំបាត់នូវភាពក្រីក្រ និងបាបកម្ម ប្រៀបដូចជាភ្លើងដែលដុតយកភាពមិនស្អាតចេញពីដែក មាស និងប្រាក់ដូច្នោះដែរ។ ហើយចំពោះការធ្វើហាជ្ជីដែលគេទទួលយក គឺគ្មានផលបុណ្យអ្វី(សម្រាប់តបស្នង)ក្រៅពីឋានសួគ៌ឡើយ”។

ណាពី ﷺ លោកបានជំរុញឲ្យធ្វើជាបន្តបន្ទាប់គ្នា និងមិនត្រូវអូសបន្លាយពេលរវាងការធ្វើហាជ្ជី និងការធ្វើអ៊ុមរ៉ោះ ហើយមិនត្រូវឈប់អនុវត្តកិច្ចការទាំងពីរនេះទាំងដែលខ្លួនមានសមត្ថភាពនោះឡើយ ពីព្រោះការបំពេញកិច្ចការទាំងពីរនេះ គឺជាមូលហេតុមួយក្នុងការលុបបំបាត់ភាពក្រីក្រ បាបកម្ម និងស្លាកស្នាមរបស់វាដែលមាននៅក្នុងដួងចិត្ត ប្រៀបដូចភ្លើងដែលវាកំចាត់ចោលនូវភាពមិនស្អាតចេញពីដែក ក៏ដូចជាលោហៈផ្សែងៗ ដែលមិនមែនជាធាតុរបស់វាចេញពីខ្លួនវាដូច្នោះដែរ។