ចូរអ្នកកត់ត្រាចុះ។ ពិតណាស់ ខ្ញុំសូមស្បថនឹងអ្នកដែលជីវិតរបស់ខ្ញុំស្ថិតក្នុងកណ្តាប់ដៃទ្រង់ថា គ្មានអ្វីមួយដែលចេញអំពីវា(មាត់រ៉ស៊ូលុលឡោះ)ឡើយ លើកលែងតែជាការពិត”។

អាប់ទុលឡោះ ពិន អាំរ៍ رضي الله عنهما បាននិយាយថា៖ ខ្ញុំធ្លាប់បានកត់ត្រាទុករាល់អ្វីទាំងអស់ដែលខ្ញុំបានឮពីរ៉ស៊ូលុលឡោះ ﷺ ដើម្បីខ្ញុំទន្ទេញវាតាមរយៈការកត់ត្រា។ ពេលនោះ មានពួកគួរ៉ស្ហមួយក្រុមបានហាមឃាត់ខ្ញុំ ហើយពួកគេនិយាយថា រ៉ស៊ូលុលឡោះ ﷺ គឺជាមនុស្សលោកធម្មតាដែលមានប្រសាសន៍ទាំងនៅពេលកំពុងខឹង និងពេលស្ងប់ស្ងាត់ ហើយក៏អាចមានខុសផងដែរ។ ដូចនេះ ខ្ញុំក៏ឈប់កត់ត្រាវិញ។

ហើយខ្ញុំបានប្រាប់រ៉ស៊ូលុលឡោះ ﷺ នូវអ្វីដែលពួកគេបាននិយាយ។ ពេលនោះ លោកបានយកម្រាមដៃចង្អុលទៅកាន់មាត់របស់លោក ហើយបានមានប្រសាសន៍ថា៖ ចូរអ្នកកត់ត្រាចុះ។ ពិតណាស់ ខ្ញុំសូមស្បថនឹងអ្នកដែលជីវិតរបស់ខ្ញុំស្ថិតក្នុងកណ្តាប់ដៃទ្រង់ថា គ្មានអ្វីមួយដែលចេញអំពីវាឡើយ លើកលែងតែជាការពិតគ្រប់កាលៈទេសៈទាំងអស់ ទាំងពេលខឹង និងពេលស្ងប់ស្ងាត់។

ពិតណាស់ អល់ឡោះជាម្ចាស់ទ្រង់បានមានបន្ទូលអំពីណាពីរបស់ទ្រង់ ﷺ ថា៖ ﴿وَمَا يَنْطِقُ عَنِ الْهَوَىٰ. إِنْ هُوَ إِلَّا وَحْيٌ يُوحَىٰ﴾
(ហើយគេមិននិយាយតាមទំនើងចិត្ដឡើយ។ អ្វីដែលគេនិយាយគ្មានអ្វីក្រៅពីវ៉ាហ៊ីដែលត្រូវបានគេ(អល់ឡោះ)វ៉ាហ៊ីមកនោះឡើយ)។