គេបានបញ្ចុះ(វ៉ាហ៊ី)ឲ្យរ៉ស៊ូលុលឡោះ ﷺ ក្នុងពេលដែលលោកមានអាយុសែសិបឆ្នាំ

អ៊ិពនូអាប់ហ្ពាស رضي الله عنهما បានប្រាប់ថា ជាការពិតណាស់ វ៉ាហ៊ីត្រូវគេបានបញ្ចុះទៅកាន់រ៉ស៊ូលុលឡោះ ﷺ ហើយលោកត្រូវបានគេតែងតាំងជាអ្នកនាំសារក្នុងពេលដែលលោកមានអាយុសែសិបឆ្នាំ។ លោកបានរស់នៅក្រុងម៉ាក្កះរយៈពេលដប់បីឆ្នាំក្រោយពេលដែលវ៉ាហ៊ីត្រូវបានគេបញ្ចុះ។ ក្រោយមក គេបានបង្គាប់ប្រើលោកឲ្យធ្វើចំណាកស្រុក(ហ៊ិជ្ជរ៉ោះ)ទៅកាន់ក្រុងម៉ាទីណះ ហើយលោកបានរស់នៅទីនោះរយៈពេលដប់ឆ្នាំ។ ក្រោយមក រ៉ស៊ូលុលឡោះ ﷺ លោកក៏បានទទួលមរណភាព ក្នុងជន្មាយុ៦៣ឆ្នាំ។