ជនណាធ្វើល្អក្នុងឥស្លាម គឺគេមិនយកទោសពៃរ៍ចំពោះអ្វីដែលរូបគេបានធ្វើក្នុងសម័យកាលអវិជ្ជា(មុនចូលឥស្លាម)ឡើយ។ តែជនណាដែលធ្វើអាក្រក់ក្នុងឥស្លាម គឺគេនឹងយកទោសពៃរ៍ទាំងមុន ទាំងក្រោយ”។

ណាពី ﷺ លោកបានបញ្ជាក់ពីឧត្តមភាពនៃការចូលសាសនាឥស្លាម។ ជាការពិតណាស់ ជនណាដែលបានចូលសាសនាឥស្លាម ហើយគេធ្វើបានល្អក្នុងឥស្លាមរបស់គេ ជាអ្នកដែលជ្រះថ្លា និងសុចរិត នោះគេនឹងមិនយកទោសពៃរ៍ពីរូបគេចំពោះអ្វីដែលរូបគេបានប្រព្រឹត្តក្នុងសម័យកាលអវិជ្ជានៃអំពើល្មើសផ្សេងៗនោះឡើយ។ ចំណែកឯជនណាដែលធ្វើអាក្រក់ក្នុងឥស្លាម អាចជាជនពុតត្បុត(មូណាហ្វិក) ឬរបូតចេញពីឥស្លាម(មួរតាត់) ពិតណាស់ គេនឹងជំនុំជម្រះជននោះចំពោះអ្វីដែលរូបគេបានប្រព្រឹត្តក្នុងពេលដែលគេស្ថិតក្នុងភាពគ្មានជំនឿ(មុនចូលឥស្លាម) និងអ្វីដែលគេបានប្រព្រឹត្តក្នុងឥស្លាម។