“ចូរពួកអ្នកថែរក្សាគម្ពីរគួរអាននេះ(សូត្រវាឲ្យបានខ្ជាប់ខ្ជួន)។ សូមស្បថនឹងអ្នកដែលជីវិតរបស់មូហាំម៉ាត់ស្ថិតនៅក្នុងដៃទ្រង់! វាពិតជាងាយរត់ចេញពីពួកអ្នកជាងសត្វអូដ្ឋដែលចង់ចេញពីខ្សែចំណងរបស់វាទៅទៀត”។

ណាពី ﷺ លោកបានបង្គាប់ប្រើឲ្យថែរក្សាគម្ពីរគួរអានឲ្យបានល្អតាមរយៈការសូត្រវាឲ្យបានខ្ជាប់ខ្ជួនដើម្បីកុំឲ្យភ្លេចទៅវិញក្រោយពីគេបានទន្ទេញវាចាំនៅក្នុងទ្រូងរួច។ លោកបានសង្កត់ធ្ងន់លើបញ្ហានេះដោយលោកបានស្បថនឹងអល់ឡោះថា ជាការពិតណាស់ គម្ពីរគួរអាន គឺងាយនឹងភ្លេចទៅវិញបំផុតជាងសត្វអូដ្ឋដែលគេចងទៅទៀត។ ប្រសិនបើមនុស្សចងវា នោះវានឹងនៅជាមួយរូបគេ។ តែប្រសិនបើគេលែងវា នោះវានឹងទៅបាត់។