“ចូរពួកអ្នកកុំបួសមុនខែរ៉ម៉ាហ្ទនមួយថ្ងៃ ឬពីរថ្ងៃ លើកលែងតែអ្នកដែលមានទម្លាប់បួសជាប្រចាំ ចូរឲ្យគេបួសចុះ”។

ណាពី ﷺ លោកបានហាមឃាត់មិនឲ្យបួសមុនខែរ៉ម៉ាហ្ទនមួយថ្ងៃ ឬពីរថ្ងៃដោយនៀតថា ជាការប្រុងប្រយ័ត្នសម្រាប់ខែរ៉ម៉ាហ្ទននោះឡើយ ពីព្រោះកាតព្វកិច្ចនៃការបួសខែរ៉ម៉ាហ្ទន គឺផ្សារភ្ជាប់ទៅនឹងការឃើញខ្នើតខែ ដូច្នេះមិនចាំបាច់ដាក់បន្ទុកលើខ្លួនឯងនោះទេ លើកលែងតែអ្នកដែលមានទម្លាប់បួសជាប្រចាំ ដូចជាបួសមួយថ្ងៃ ខានមួយថ្ងៃ ឬបួសថ្ងៃចន្ទនិងថ្ងៃព្រហស្បតិ៍ គឺគេអាចបន្តការបួសរបស់ខ្លួនបាន។ នេះមិនរាប់ថាជាការត្រៀមស្វាគមន៍ខែរ៉ម៉ាហ្ទននោះទេ។ ករណីនេះក៏អនុវត្តចំពោះការបួសដែលជាកាតព្វកិច្ចដទៃទៀតផងដែរ ដូចជាការបួសសង និងការបួសលាបំណន់(ណាហ្សើរ)ជាដើម។