ពិតណាស់ ណាពី ﷺ លោកតែងអៀកទីកាហ្វនៅដប់យប់ចុងក្រោយនៃខែរ៉ម៉ាហ្ទន រហូតអល់ឡោះដកយកជីវិតលោកទៅវិញ។ បន្ទាប់មក ភរិយាទាំងឡាយរបស់លោកក៏បានអៀកទីកាហ្វបន្ទាប់ពីលោកផងដែរ។

បង្គាប់ប្រើឲ្យធ្វើការអៀកទីកាហ្វនៅក្នុងម៉ាស្ជិត សូម្បីតែស្ត្រី ដោយគោរពទៅតាមគោលការណ៍នៃច្បាប់បញ្ញត្តិអ៊ីស្លាម តែភ្ជាប់នឹងលក្ខខណ្ឌ គឺត្រូវមានសុវត្ថិភាពពីភាពវឹកវរ(ហ្វិតណះ)។
សង្កត់ធ្ងន់លើការអៀកទីកាហ្វក្នុងដប់យប់ចុងក្រោយនៃខែរ៉ម៉ាហ្ទន ព្រោះណាពី ﷺ លោកតែងអៀកទីកាហ្វក្នុងអំឡុងពេលនេះមិនដែលខាន។
ការអៀកទីកាហ្វ គឺជាស៊ុណ្ណះមួយដែលនៅតែបន្តមាន មិនត្រូវបានគេលុបចោលឡើយ ដូចដែលបានបង្ហាញតាមរយៈការបន្តអនុវត្តដោយភរិយារបស់ណាពី ﷺ បន្ទាប់ពីការទទួលមរណភាពរបស់លោក។