“បុគ្គលណាដែលអល់ឡោះចង់ឲ្យគាត់បានល្អ ទ្រង់នឹងឲ្យគាត់ជួបប្រទះនូវទុក្ខលំបាកផេ្សងៗ(ដើម្បីសាកល្បងថា តើគាត់អត់ធ្មត់ ឬមិនអត់ធ្មត់)”។

ណាពី សអវ លោកបានប្រាប់យើងថា ពិតណាស់អល់ឡោះជាម្ចាស់នៅពេលដែលទ្រង់ចង់ឲ្យនរណាម្នាក់ក្នុងចំណោមខ្ញុំបម្រើទាំងឡាយរបស់ទ្រង់ដែលជាអ្នកមានជំនឿ គឺទ្រង់នឹងសាកល្បងរូបគេទាំងចំពោះខ្លួនប្រាណរបស់ពួកគេ ទ្រព្យសម្បត្តិរបស់ពួកគេ និងក្រុមគ្រួសាររបស់ពួកគេ ព្រោះថាការសាកល្បងនោះ អាចធ្វើឲ្យអ្នកមានជំនឿវិលត្រឡប់ទៅកាន់អល់ឡោះជាម្ចាស់តាមរយៈការបួងសួងទៅកាន់ទ្រង់ ជម្រុះចោលនូវបាបកម្មទាំងឡាយ ព្រមទាំងលើកឋានៈរបស់ពួកគេផងដែរ។