“ពិតណាស់ លោកិយត្រូវបានគេដាក់បណ្ដាសា ហើយអ្វីៗនៅក្នុងវាក៏ត្រូវគេដាក់បណ្ដាសាដែរ លើកលែងតែការរលឹកទៅចំពោះអល់ឡោះ និងអ្វីដែលប្រហាក់ប្រហែលនឹងវា អ្នកចេះដឹង ហើយនិងអ្នករៀនសូត្រ”។

គេមិនអនុញ្ញាតឲ្យដាក់បណ្តាសាលោកិយជាទូទៅឡើយ ព្រោះមានហាទីស្ហជាច្រើនដែលហាមឃាត់ពីការធ្វើដូច្នោះ។ ក៏ប៉ុន្តែ គេអនុញ្ញាតឲ្យដាក់បណ្តាសាចំពោះអ្វីដែលធ្វើឲ្យរូបគេឃ្លាតឆ្ងាយពីអល់ឡោះ និងមមាញឹកភ្លេចខ្លួនពីការគោរពប្រតិបត្តិចំពោះទ្រង់។
រាល់អ្វីទាំងអស់នៅក្នុងលោកិយគ្រាន់តែជាការកម្សាន្ត និងជាល្បែងកម្សាន្តប៉ុណ្ណោះ លើកលែងតែការហ្ស៊ីកៀរ រលឹកទៅចំពោះអល់ឡោះជាម្ចាស់ ហើយនិងអ្វីដែលជាមូលហេតុ និងជាជំនួយដល់គេលើរឿងនេះ។
បញ្ជាក់ពីឧត្តមភាពនៃចំណេះដឹង អ្នកចេះដឹង និងអ្នកសិក្សារៀនសូត្រ។
អ៊ិពនូតៃមីយ៉ះ បាននិយាយថា៖ "លាភសក្ការៈលោកិយដែលត្រូវបានស្តីបន្ទោសនោះ គឺជារបស់ហារ៉ាមដែលមិនត្រូវបានអនុញ្ញាត ឬរបស់ហាឡាលដែលធ្វើដោយភាពអួតអាង និងហួសព្រំខ្នាត ហើយមានគោលបំណងដើម្បីអួតអាង និងមានមោទនភាពលើខ្លួនឯង។ នោះហើយជាអ្វីដែលមានបញ្ញាញាណស្អប់ខ្ពើម"។