“ជនណាដែលចិញ្ចឹមឆ្កែក្រៅពីឆ្កែប្រមាញ់ ឬឆ្កែគង្វាលសត្វ នោះទង្វើកុសលរបស់ជននោះនឹងស្រកចុះចំនួនពីរគីរ៉តជារៀងរាល់ថ្ងៃ”។

អ្នកមូស្លីមមិនត្រូវបានអនុញ្ញាតឱ្យចិញ្ចឹមឆ្កែឡើយ លើកលែងក្នុងករណីដែលបានលើកលែង។
ការហាមឃាត់មិនឲ្យចិញ្ចឹមសត្វឆ្កែ គឺដោយសារតែវាមានទុក្ខទោសនិងគ្រោះថ្នាក់ជាច្រើន។ មានភស្តុតាងបញ្ជាក់ពីណាពី ﷺ ថា ជាការពិតណាស់ ម៉ាឡាអ៊ីកាត់មិនចូលផ្ទះដែលមានឆ្កែនៅក្នុងនោះឡើយ។ លើសពីនេះ ឆ្កែមានភាពកខ្វក់កម្រិតធ្ងន់ដែលអាចលាងសម្អាតបានតែតាមរយៈការលាងជាច្រើនដងដោយប្រើទឹកនិងដីប៉ុណ្ណោះ។