თუ ერთი ალლაჰის მონა დაფარავს (დაიცავს) მეორე მონას ამქვეყნად, ალლაჰი უთუოდ დაფარავს მას განკითხვის დღეს

რელიგიაში მოწონებულია მუსლიმის დაფარვა, თუ მან ჩაიდინა ისეთი რამ, რაც ალლაჰის მიმართ ურჩობაა. თუმცა, ამასთან ერთად, მან უნდა გაკიცხოს, რჩევა მისცეს და ალლაჰის შიში შთააგონოს მას. თუ ადამიანი ეკუთვნის ცუდთა და უზნეოთა რიგს, რომლებიც ღიად ჩადიან ცოდვებსა და უსამართლო საქმეებს, მათი ცუდი ქმედებების დაფარვა არ არის სასურველი, რადგან ეს მათ უფრო მეტად გაათამამებს და ახალ ცოდვებზე წააქეზებს. პირიქით, ასეთი ადამიანებზე უნდა შეატყობინონ მმართველობას, თუნდაც ეს მათი ქმედებების გამჟღავნებას ნიშნავდეს, რადგან ისინი თვითონვე არ მალავენ თავიანთ ცოდვებსა და შეცდომებს.
სხვა ადამიანების შეცდომების დაფარვის სასურველობა.
სხვათა შეცდომების დაფარვის სარგებლობა იმაში მდგომარეობს, რომ ადამიანმა, რომელიც შეცდა, მიიღოს შესაძლებლობა გააანალიზოს თავისი ქცევა და მოინანიოს ალლაჰის წინაშე. რადგან ცოდვების საჯაროდ გამოფენა და იმ ნაკლოვანებების გამჟღავნება, რასაც ადამიანი სხვა ადამიანებისგან მალავს და რის გამოც შერცხვებოდა, მიეკუთვნება უზნეობის გავრცელებას, რომელიც ანგრევს საზოგადოებრივ ცნობიერებას და ხალხში იწვევს ცდუნებას, რათა იგივე ქმედებები ჩაიდინონ.