შემდეგ აიღო აბდესი მათ წინაშე ისე, როგორც მოციქული (ალლაჰის ლოცვა და მშვიდობა მას) აკეთებდა ამას

აბდულლაჰ იბნ ზაიდმა (ალლაჰი იყოს მისით კმაყოფილი) პრაქტიკულად აჩვენა მოციქულის (ალლაჰის ლოცვა და მშვიდობა მას) აბდესის აღების წესი. მოითხოვა პატარა წყლის ჭურჭელი, თავდაპირველად მან ხელისგულები დაიბანა, შემდეგ დახარა ჭურჭელი და წყალი დაასხა, რათა ხელები სამჯერ დაებანა ჭურჭლის გარეთ. შემდეგ ხელი ჩაყო ჭურჭელში და სამჯერ აიღო წყალი ხელით: თითოეულ შემთხვევაში გამოივლო პირი, შეიყვანა წყალი ცხვირში და გამოუშვა. შემდეგ აიღო წყალი ჭურჭლიდან და სამჯერ მოიბანა სახე. შემდეგ აიღო წყალი ჭურჭლიდან და ორჯერ-ორჯერ მოიბანა ხელები იდაყვებამდე. შემდეგ ხელები ჩაყო ჭურჭელში, თავზე წაისვა სველი ხელები: დაიწყო შუბლის წინა ნაწილიდან, მიიყვანა კეფამდე (კისრის ზედა ნაწილი), შემდეგ უკან დააბრუნა ხელები იმ ადგილამდე, საიდანაც დაიწყო, შემდეგ მოიბანა ფეხები ტერფებთან ერთად.