Mutane ba zasu gushe ba cikin alheri matuƙar sun gaggauta buɗa baki

AlNawawi ya ce: A cikinsa akwai kwaɗaitarwa akan gaggauta shi bayan tabbatar da faɗuwar rana, ma'anarsa al'amarin al'ummata ba zai gushe ba a tsare alhali su suna cikin alheri muddin dai sun kiyaye wannan sunnar, idan sun jinkirta shi to hakan ya zama alama akan ɓarnar da zasu faɗa a cikinta.
Wanzuwar alheri a cikin mutane saboda biyayyarsu ne ga Sunnah, kuma ɓacin al'amura yana ratayane da canja sunna.
Saɓawa mazawa littafi (Yahudawa da Nasara) da 'yan bidi'a, domin cewa su suna jinkirta buɗa baki.
Ibnu Hajar ya ce: A cikinsa akwai bayanin sababin hakan, Muhallab ya ce: Hikima a cikin hakan kada a yi ƙari a yini a dare, kuma ya fi tausayi ga mai azimi kuma ya fi ƙarfafa gare shi akan ibada, malamai sun haɗu akan cewa mahallin hakan idan faɗuwar rana ta tabbata da gani (faɗuwar rana) ko da labartawar adalai biyu, haka adali ɗaya a zance mafi rinjaye.
Ibnu Hajar ya ce: Faɗakarwa: Daga bidi'o'i ababen ƙi abinda aka farar a wannan zamanin na yin kiran sallah na biyu kafin Asuba da kwatankwacin ɗaya bisa uku na awa a cikin (watan ) Ramadan, da kashe fitilun da aka sanya su alama dan haramta ci da sha ga wanda yake nufin yin azimi dan riyawa daga wanda ya farar da shi cewa shi dan tsare ibada, kuma babu wanda ya san hakan sai ɗaiɗaikun mutane, haƙiƙa hakan ya jasu zuwa sun kasance ba sa kiran sallah sai bayan faɗuwar rana da daraja dan tabbatar da lokaci a yadda suka riya, sai suka jinkirta buɗa baki, kuma suka gaggauta sahur, suka saɓawa Sunnah, saboda haka alheri ya karanta a garesu kuma sharri ya yawaita a cikinsu, Allah ne abin neman taimako.