Alaa e ñalawmaaji golleteeɗi golle moƴƴe fof ko ɓuri ɗii moƴƴude" faanda heen ko ñalɗi sappo

Annabi yo ALLa juul e dow mum O hisno ɗum ina laaptino wonde golle moƴƴe e balɗe sappo gadane e lewru taaske ɓuri ñalawmaaji hitaande fof moƴƴude.

Sahabaaɓe yo weleende ALLa won e maɓɓe ɓe naaɓniimo Annabiijo yo ALLa juul e dow mum O hisno ɗum jihaadi e ko wona ɗii ñalɗi sappo mbela ko ɗuum ɓuri moƴƴude wolla ko golle moƴƴe e ɗii ñalɗi? Sabu ko tabataniɓe wonde jihaadi ino jeyaa ko ɓuri moƴƴude e golle.

Mbo jam e kisal woni e mum jaabii: wonde Golle moƴƴe e ɗee balɗe ɓuri moƴƴude e jihaadi ko wona e ɗee balɗe, si wona gorko jaltuɗo jihaadi o naati ( waasi) fittaandu makko e jawdi makko e laawol ALLA, o waasi jawdi makko e fittaandu makko e laawol ALLA. Ko ɗum tan ɓuri golle moƴƴe e ɗee balɗe ɓurɗe.