pellet Alla winndii moƴƴi e bonɗi, refti O ɓanngini ɗuum, kala mbo himmi waɗde moƴƴel o gollaani ngel o winndene moƴƴel timmungel, si o himmarii waɗde ngel o waɗi ngel o Alla winndana mbo moƴƴe sappo haa e cowe teemedde jeeɗiɗi sowre, haa e cowe keewɗe, kala kimmuɗo e waɗde gootel bonngel o waɗaani ngel o winndanee moƴƴel gootel, si o waɗii ngel noon o winndanee bonngel gootel

Nelaaɗo yo jam e kisal ngon e makko ɓannganii wonnde Alla hoddarii moƴƴi e bonɗi refti O holli Malaykaaji ɗi mbinndirtaɗi:

Kala paalaaɗo o faandi o felliti waaɗde moƴƴere o winndanee moƴƴere wootere hay si o gollaani nde, si o golliinde noon o sowenee ɗum laabi sappo haa cowe teemedde jeeɗiɗi haa e cowe keewɗe, ɓeydeede nde fawii ko e laɓɓingol ɓernde e yawtinde nafoore e ko nanndi e ɗuum.

Kala paalaaɗo o faandi o felliti waɗde bonannde kono o waɗaani nde o winndene moƴƴere wootere, si o acciinde ngam waasde waɗde sababuuji mannde o winndantaake hay dara, si o accii ɗuum ngam roŋkere o winndene anniya makko, si o gollinde o winndane bonannde wootere.