(نُبوَّت ءِ نشانی) ءُ (نُبوَّت چیدگ)
(قرآن کریم)
(یحی بن اکثم) گشیت : مأمون وهدیکہ امیر اَت آئی یک گپ ءُ تران ءِ مجلسے هست اَت ، بزاں (منظاره) ءِ مجلسے اَت.
لهتیں مردم اتک یک یهودی یے هم گون اَت ، پُترت اَنت ، شریں پچ پوشاکین ءُ شر شگلین وشبوئیں مردمے اَت.
گُشیت : باز وش گپے اَت ، گُشیت : وهدیکہ دیوان هلاس بوت مأمون لوٹائینت ، گُشت ئِے تو اسرائیلی ئے بزاں یهودی ئے؟
گُشت ئِے : هاں
گُشت ئِے : مسلمان بُہ بو پہ تو چزے کناں ، تر ءَ چزے دیاں ، مأمون یکے شرّیں وادهے کُت گوں ایشی ءَ.
یهودی ءَ گُشت : نا بلکیں منی دین ءُ منی پت ءُ پیرُکانی دین گهتر اِنت پد ءَ درآتک(چہ دیوان ءَ) .
گُشیت : وهدیکہ سالے گوست پد ءَ واتر اتک ءُ تاتکہ مسلمان اِنت.
گُشیت : (فقہ ءُ حدیث) ءِ گپ ءُ شوکیں گپ جنگ ءَ اَت ، وهدیکہ دیوان هلاس بوت مأمون توار کُت ، گُشت ئِے : آیا تو مئے هما سالئیں سنگت نئے ، گُشت ئِے : بلے.
گُشت ئِے : تئی مسلمان بوَگ ءِ وجہ چے بوتا ؟
یهودی ءَ گُشت : گوش بدار بگوش اللہ ءُ اکبر ، وهدیکہ من چہ مجلس ءَ درآتکاں آ روچاں ،
گڑا منی دل ءَ گُشت اے دیناناں چکّاسے بگر ، گڑا منی نبیسگ سک شوک اَت ، بزاں من سک وش لِکّ اِت ، گڑا من تورات ءَ را چست کُت من سئے چاپ لِکّ اِت ، گڑا من اے چاپانی توک ءَ لهتیں گیشی کُت لهتین ءِ توک ءَ کمّی آرت ، من چرچے ءَ شُتاں ، بہا اِش زُرت اَنت وت ءَ هچ تکلیپ اش نکُت کہ بُہ وان اَنت ئِے بِہ چار اَنت ئِے ءُ دوره ئِے بہ کن اَنت ، گڑا من پد ءَ انجیل زُرت ءُ ایشی هم سئے چاپ نبیس اِت ، لهتیں گیش کُت ءُ لهتیں کمی آرت ، پد ءَ من یهودیانی ابادت جاه ءَ(بیعہ) شُتاں بہا اِش زُرت اَنت وت ءَ هچ تکلیپ اش نکُت کہ بُہ وان اَنت ئِے بِہ چار اَنت ئِے ءُ (دوره ئِے بہ کن اَنت).
پد ءَ (قرآن) چِست کت ءُ ایشی هم سئے چاپ نبیس اِت ، لهتیں گیش کُت ءُ لهتیں کمی آرت ءُ ، پد ءَ من چاپ کنوکانی گور ءَ راهدات گُشت اش ما چاپ ئِے نہ کنیں تانکہ ما نونتگ ، گڑا چار اِتش دوره اِش کُت ونت اش ردیاں سهی بوت اَنت ، گیشی اش دیست اَنت کمّی اش مار اِت اَنت ، گِپت ءُ مان اِش داشت ، چِست بوت اَنت پہ منی جنَگ ءُ کُشگ ءَ ، گڑا من زانت ءُ پهم اِت کہ اے کتاب چہ اللہ ءِ نیمگ ءَ پهازگ بوتگ ، همے منی اسلام آرگ ءِ وجہ ءُ سوَب اَت.
