NGIMA TIENDE EN ANG’O

📜 ما هو الهدف من الحياة؟ (قصة ملحد)

NGIMA TIENDE EN ANG’O? — DHO LUO

Siganda chakore e hika mokuongo e mbalariany. Higani, midhiero mathoth notimore.

Jonyuolna na owere, masira mar ndara bende ne otimore, kendo achiel kuom osiepena ne olalo ngimane e masirano.

Omiyo ne apenjora ni to: Ang’o momiyo an kae? Ngima tiende ang’o?

Eka ne achako penjora kuom nonro mar ngima to gi gimomiyo pod angima . To nekeche ne an ja Kristo, bura ne oloya.

Ne adhi e kanisa kaeto ayudo ka jii wer kendo lemo gi dhok mopogore ma ok ang’eyo. Omiyo ne apenjogi ewi weche machando chunyagi.

Ne ok gielo muma mondo gimiya duoko. Moro ka moro ne omiya mana pache.

Duoko ne opogore kowuok kuom jii mopogore opogore. Kendo seche moko paro mar jalni ogwenyore ataro gi paro mar jal machielo.

Kata ng’eyo margi kuom Ruoth Nyasaye ne ayudo ka othirno kendo ok nyal konyo kata medo ng’ato paro.

Ere kaka Nyasaye inyalo gur e msalaba gi jogo ma en ema ochwueyo? Omiyo ne afwenyo ni nitie mibadhi mathoth ei din mar Jo Kristo.

Kuom somo mara mar mbalariany, ne ayudo tich e tesend petrol moro. Achiel kuom jowadwa e tich ne en Ja Hindi. Omiyo ne apenje ewi Nyasaye mar Jowahindi mawiye gi ume chalo gi liech. Ere gimomiyo ne uyierone mana wich liech? Dak ne umanyne kata mana wich sibuor?? Gund duoko mane ayudo kuome, chutho e chunya, ne ok ahero din mar jo wahindi.

Ne adhi nyime gi nono dinde mamoko. Ne achopo kuom din mar Joyahudi. Bang’ nonro malach، ne ayudo ni winjo margi mar Nyasaye ogondore miwuoro. Ne chal mana gi winjo mar Jokristo.

Omiyo ne ok ayudo ler mane adwaro ei din mar Joyahudi.

Gikone to ne anono din mar Jo Budha kendo ne an gi geno ni ma to e din makoro nyalo dhii koda maber. To kane atimo nonro matut to afwenyo gik moko nono mochochni maok nyal konya.

To chieng’ moro achiel osiepna achiel ne openja ewi nonro ma asebedo ka atimo kuom dinde. Ne anyise ni asenono din Jo Kristo, Jo Hindu, Jo Yahudi, Jo Budha to pok ayudo duoko moriere ewi penjoga duto mag ngima.

To ne openja ni to: be isetemo nonro kuom din mar Islam? Ne aduoke ni ok abichandora gi nono din mar Islam nekech onge gima Islam biro konyago, ka dinde duto ma asenono pok amiya duoko.

To kata kamano, bang’ kinde, ne apo ka adonjo ei Msikiti moro mar Jo Islam gi wuoche e tienda ka jii lemo. Ne achiegni kata mana nyono wi ng’ato ka lemo seche ma akadho adhi nyime. Eka ne ating’o wang’a ma aneno Sheikh moro ka gwela ka siemona yoo kama owinjore akadhi. Ne omosa gi mor ka openja ni: “idhi nade?”

Tok rwak mane ayudo kowuok kuom Sheikh, ne omiya thuolo mar penje penjoga duto machanda. To gimane omako dhoga en ni duoko ne ok bi dichiel to be ne ok gigol duoko e wigi. Ne giyao buk mar Quran kendo gisiemona kuonde ma owinjore asom, kaluore gi penjoga kowacho ni: “som kae owadwa”.

Kuom hawi maber, ne ayudo duokoga duto kata gibed ni ne gitek machal nade. Bang’ jumbe ariyo, ne anyiso Ja Islam moro tok ka asepenje penjoga ni: “en ang’o mamoni miya duoko mowuok e wiyi, paro ma mari iwuon”? Ne oduoka ni:
“Ok anyal duoki gi pacha ka wawuoyo kuom wach Ruoth Nyasaye”. Mae ne ochando pacha ndii

Eka ne akao Quran adhii godo eoda mondo asom kenda awuon. Ne ayudo ka ok en ka somo sigana. Ne asomo buk ma chika kendo siemona yoo moriere mowinjore aluu.

Kane oromo otieno to ne abedo gi paro matut. Ne aparo kaka Ruoth Nyasaye ochueyo gode motegno momako piny ok tungni, kata kaka orito kendo opidho nyathii ei min mare. Bang’e ne anyiso Ruoth Nyasaye ni: ” Ruoth telna e yoo moriere”.

Chal mara ne olokore gi sechego. Ne awinjo mana ka gima Ruoth Nyasaye osetelona nekech gi paro maliu, piny ni gi berne duto to gi kaka ochueye mopang wechene gi chikene, ok nyalre mak mana ni nitie Jachuech mare.

Omiyo ne ang’ado bura dichiel ma abedo Ja Islam, kendo akuong’ora kaka chik mar donjo ei Islam dwaro. Tok ka ne asetieko wacho wechegi, ne awinjo ka luoro mane an go kaachiel gi pek gi kiawa duto orumo gi sechego.

Tok ka asebedo ja Islam, ber mane abedogo gi wuonwa ne omiyo ong’eyo tiend Islam kendo opogo miriambo gi adiera.

Eka en bende ne okwaya Quran mondo osom en be.